________________
सहस्रनाम प्रभृति ग्रन्थ श्रीमद्भागवत प्रभृति पाठ करिये । उपरान्त समयसिर उठि आचमनके लिये झारी, बीड़ा, तष्टी सिद्धकरिये । शीतकाल में आचमनकी झारीको जल उष्णहाथ सुहातो करि राखिये । पाछे पूर्वोक्त रीतिसों अचवाय मुखवस्त्र कराय बीड़ा समर्पिये । आचमनं कारयेत् विज्ञापनम् । " कुरुष्वाचमनं कृष्ण प्रिययामुनवारिणा ॥ स्नेहात्मभावसिक्ता न्यभावया करुणात्मक " ॥ १३८ ॥ मुखवस्त्रमार्जनं कारयेद्विज्ञापनं ॥ " स्नेहाच्छ्रमजलं प्रोक्ष राधिकायाः कराञ्चलात् ॥ स्मृत्वानन्दभरान्नाथ कुरु श्रीमुखमार्जनम्" ॥ १३९ ॥ मुखवस्त्र करायके बगल के तकिया पर धरिये । ततः ताम्बूलं समर्पयेत् । विज्ञप्तिः “ ताम्बूलं सुप्रियं कृष्ण सौरभ्यरससंयुतम् । गृहाण गोकुलाधीश तत्कपोलाभपांडुरम् " ॥ १४० ॥ बीडा दाहिनी ओर धरि समर्पिये । पाछे भोग सराय सखडी, अनसखडीकी समझ राखिये। ढाँकिके ठिकाने धरिये चौकी उठाय बाहिर लाय धोयवेके ठिकाने धरिये । भोगकी ठौर धोय मन्दिरवस्त्र करिये । उपरान्त सिंहासन के आगे खण्ड धरिये आगे पाट बिछाय चौकी बिछावनी । शीत कालमें रुईदार दुलीचा बिछाइये । उष्णकालमें श्वेत बिछाइये । ता पर चरण गादी ३ पेंडाके उत इत चढ़वे उतरखेको धरिये । अरु चौगाँन गेंद सिंहासन के आगे दाहिनी दिशि धरिये । पाटके ऊपर बीचमें खेलवेकी एक दिन चौपड, एक दिन शतरंज, एक दिन बाघ बकरी आदि फिरती धरनी, ताके दोनों बगल गादी बिछावनी । ततोऽक्षक्रीडार्थ विज्ञापयेत् । " क्रीडारूपात्मकैरक्षैः क्रीडार्थं स्थापितैः प्रभो ॥ क्रीडां कुरु महाराज गोपिकायै स्वराधया " ॥ १४१ ॥ खिलोनाकी तबकडी सिंहासनकी दोही आडी धरिये । तामें
