________________
श्री समवायाङ्ग
दृष्टिवाद परिचय।
सूत्र॥
चोथं अंग
॥२५८॥
यवो जाव वेमाणिय त्ति । इमीसे णं रयणप्पभाए पुढवीए असीउत्तरजोयणसयसहस्सबाहल्लाए. उवरि एग जोयणसहस्सं ओगाहेत्ता हेट्ठा चेगं जोयणसहस्सं वजेत्ता मज्झे अट्ठसत्तरि जोयणस- यसहस्से एत्थ णं रयणप्पभाए पुढवाए णेरइयाणं तीसं णिरयावाससयसहस्सा भवंतीति मक्खाया । ते णं णिरयावासा अंतो वट्टा बाहिं चउरंसा जाव असुभा णिरया असुभाओ णिरएसु वेयणाओ, एवं सत्त वि भाणियव्वाओ जं जासु जुज्जइ-आसीयं बत्तीसं अट्ठावीसं तहेव वीसं च। अट्ठारस सोलसगं अट्ठत्तरमेव बाहल्लं ॥१॥ तीसा य पण्णवीसा पन्नरस दसेव सयसहस्साई। तिण्णेगं पंचूणं पंचेव अणुत्तरा नरगा ॥ २॥ चउसट्री असुराणं चउरासीइंच होइ नागाणं । बावत्तरि सुवन्नाण वाउकुमाराण छण्णउइ ॥३॥दीवदिसाउदहीणं विज्जुकुमारिंदथणियमग्गीणं । छण्हं पि जुवलयाणं बावत्तरिमो य सयसहसा(स्सा)॥ ४॥ बत्तीसट्ठावीसा बारस अंड चउरो य सयसहस्सा । पण्णा चत्तालीसा छच्च सहस्सा सहस्सारे॥५॥ आणयपाणयकप्पे चत्तारि सयाssरणच्चुए तिन्नि । सत्त विमाणसयाइं चउसु वि एएसु कप्पेसु ॥ ६ ॥ एक्कारसुत्तरं हेट्ठिमेसु सत्तु
॥२५॥
