________________
भासिज्माणी तेसिं सवेसिं आरियमणारियाणं दुप्पयचउप्पअमियपसुपक्खिसरीसिवाणं अप्पणो हियसिव सुहयभासत्ताए परिणमइ २३, पुवबद्धवेरा वि यणं देवासुरनागसुवण्णजक्खरक्खसकिंनरकिंपुरिस गरुलगंधव्वमहोरगा अरहओ पायमूले पसंतचित्तमाणसा धम्मं निसामंत २४, अण्णउत्थिय पावयणिया वि य णमागया वंदति २५, आगया समाणा अरहओ पायमूले निप्पलिवयणा हवंत २६, जओ जओ वियणं अरहंतो भगवंतो विहरंति तओ तओ वियणं जोयणपणवीसांए णं ईती न भवइ २७, मारी न भवइ २८, सचक्कं न भवइ २९, परचक्कं न भवइ ३०, अइवुट्टी न भवइ ३१, अणावुट्ठी न भवइ ३२, दुब्भिक्खं न भवइ ३३, पुव्वुप्पण्णा वियणं उप्पाइया वाही खिमिव उवसमंति ३४ ॥ १ ॥
जंबुद्दीवे णं दीवे चउत्तीसं चक्कवहिविजया पन्नत्ता, तं जहा- बत्तीसं महाविदेहे दो भरहे एरवए । २ । जंबुद्दीवे णं दीवे चोत्तीसं दीहवेयड्ढा पन्नत्ता । ३ । जंबुद्दीवे णं दीवे उक्कोसपए चोतसं तित्थंकरा समुपजंति ४ । चमरस्स णं असुरिंदस्स असुररण्णो चोत्तीसं भवणावाससय
