________________
लवे २७ । झाणसंवरजोगे २८ य, उदए मारणंतिए २९ ॥ ४॥ संगाणं च परिणाया ३०, पायच्छित्तकरणे ३१ वि य । आराहणा य मरणंते ३२, बत्तीसं जोगसंगहा ॥ ५॥१॥
बत्तीसं देविंदा पन्नत्ता, तं जहा- चमरे बली धरणे भूआणंदे जाव घोसे महाघोसे चंदे सूरे सके ईसाणे सणंकुमारे जाव पाणए अच्चुए ।२। कुंथुस्स णं अरहओ बत्तीसहिया बत्तीसं जिण
सया होत्था । ३ । सोहम्मे कप्पे बत्तीसं विमाणावाससयसहस्सा णं पन्नत्ता । ४ । रेवइणक्खत्ते । बत्तीसइतारे पन्नत्ते । ५ । बत्तीसतिविहे णत्ते पन्नत्ते ॥६॥
इमीसे णं रयणप्पभाए पुढवीए अत्थेगइयाणं नेरइयाणं बत्तीसं पलिओवमाइं ठिई पन्नत्ता १अहे सत्तमाए पुढवीए अत्थेगइयाणं नेरइयाणं बत्तीसं सागरोवमाइं ठिई पन्नत्ता ।२। असुरकुमाराणं देवाणं अत्थेगइयाणं बत्तीसं पलिओवमाइं ठिई पन्नत्ता । ३ । सोहम्मीसाणे कप्पेसु | देवाणं अत्थेगइयाणं बत्तीसं पलिओवमाइं ठिई पन्नत्ता ।४। जे देवा विजयवेजयंतजयंतअपराजिय विमाणेसु देवत्ताए उबवण्णा तेसि णं देवाणं अत्थेगइयाणं बत्तीसं सागरोवमाइं ठिई पन्नत्ता ॥५॥
