________________
मणगुत्ती वयगुत्ती कायगुत्ती २ । वाणमंतराणं देवाणं चेइयरुक्खा अट्ट जोयणाई उद्धं उच्चत्तेणं पन्नत्ता ३ । जंबू णं सुदंसणा अट्ठ जोयणाई उद्धं उच्चत्तेणं पन्नत्ता ४ । कूडसामली णं गरुलावासे अट्ठ जोयणाई उद्धं उच्चत्तेणं पन्नत्ता ५ । जंबुद्दीवस्स णं जगई अट्ठ जोयणाई उद्धं उच्चत्तेणं पन्नत्ता ६ । अट्ठसामइए केवलिसमुग्घाए पन्नत्ते, तं जहा-पढने समए दंडं करेइ, बीए समए कवाडं करेइ, तइए समए मंथं करेइ, चउत्थे समए मंथंतराइं पूरेइ, पंचमे समए मंथंतराइ | पडिसाहरइ, छटे समए मंथं पडिसाहरइ, सत्तमे समए कवाडं पडिसाहरइ, अट्ठमे लमए दंडं पडिसाहरइ, ततो पच्छा सरीरत्थे भवइ ७ । पासस्स णं अरहओ पुरिसादाणिअस्स अट्ट गणा अट्ठ गणहरा होत्था, तं जहा-“सुभे य सुभघोसे य, वसिट्रे बंभयारि य । सोमे सिरिधरे चेव, वीरभद्दे जसे इय ॥१॥” ८ । अट्ठ नक्खत्ता चंदेणं सद्धिं पमई जोगं जोएंति, तं जहाकत्तिया १, रोहिणी २, पुणबसू ३, महा ४, चित्ता ५, विसाहा ६, अणुराहा ७, जेट्ठा ८ । ९॥ - इमीसे णं रयणप्पभाए पुढवीए अत्थेगइयाणं नेरइयाणं अट्ठ पलिओवमाइं ठिई पन्नत्ता
।
