________________
१०६
नित्योत्सव :
षडुक्त्रां मज्जसंस्थां त्रिणयनलसितां हंसवत्यादियुक्तां हारिद्रान्नैकसक्तां सकलसुखकरीं हाकिनीं भावयामः ॥
इति ध्यात्वा
ऐं ह्रीं श्रीं ह्रां ह्रीं हम ल व र यूं हाकिन्यै नमः ३ हं क्षं मां रक्ष रक्ष मज्जात्मानं नमः ॥
इति भ्रूमध्यगतद्विदलाज्ञाकमलकर्णिकायां हाकिनीं न्यस्य तद्दक्षवामदलयोः क्रमेण— ऐं ह्रीं श्रीं हं हंसवत्यै नमः, क्षं क्षमावत्यै नमः ॥
इति तच्छक्तिद्वयं न्यसेत् । तदनु
मुण्डव्योमस्थपद्मे दशशतदलके कर्णिकाचन्द्रसंस्थां
रेतोनिष्ठां समस्तायुधकलितकरां सर्वतोवक्त्रपद्माम् । आदिक्षान्तार्णशक्तिप्रकरपरिवृतां सर्ववर्णो भवानीं सर्वान्नासक्तचित्तां परशिवरसिकां याकिनीं भावयामः ॥
इति ध्यात्वा
ऐं ह्रीं श्रीं यांयीं य म ल व र यूं याकिन्यै नमः | ३ अं... (५१) मां रक्ष रक्ष शुक्रात्मानं नमः ॥
इति ब्रह्मरन्ध्रगतसहस्रदलसरसिजकर्णिकायां याकिनीं न्यस्य तद्दळेषु प्रतिविंशतिदलं `तदावरणशक्तीः अमृताद्याः क्षमावत्यन्ताः पूर्वोक्ताः प्राग्वत् न्यसेत् ॥
राशिन्यास:
रक्तश्वेतहरित्पाण्डुचित्रकृष्णपिशङ्गकान् । कपिशबभ्रुकिम्मीरकृष्णधूम्रान् क्रमात् स्मरेत् ॥
राशीनिति शेषः । इति ध्यात्वा
ऐं ह्रीं श्रीं अं आं इं ईं मेषाय नमः । दक्षपादे ||
३
उं ऊं वृषभाय नमः । लिङ्गदक्षभागे ॥
