________________
२५०
पाणिनिसूत्रव्याख्या रघुवंशे-XII. 43.
प्राप्य चाशु जनस्थान खरादिभ्यस्तथाविधम् !
रामोपक्रममाचख्यौ रक्षःपरिभवे नवम् ॥ 880 ।। उपक्रम्यत इत्युपक्रमः । कर्मणि घञ् । रामस्य कर्तुरुपक्रमः रामोपक्रमम् । रामेणादावुपक्रान्तमित्यर्थः ।
८२५ । छाया बाहुल्ये। (२. ४. २२) छायान्तस्तत्पुरुषो नपुंसक स्यात् पूर्वपदार्थबाहुल्ये । इथूणां छाया इक्षुच्छायम् । 'विभाषा सेना' (सू. 828 ) इति विकल्पस्यायमपवादः ।
भट्टिकाव्ये--V. 2.
तौ खड्गमुसलपासचक्रवाणगदाकरौ । अकार्टामायुधच्छायं रक्षःसन्तमसे रणे ॥ 881 ।।
आयुधानां छाया आयुधच्छायम् । रघुवंशे--XIL.,50.
सा बाणवर्षिणं राम योधयित्वा सुरद्विषाम् ।
अप्रबोधाय सुष्वाप गृध्रच्छाये वरूथिनी ॥ 882 ।। गृध्राणां छाया गृध्रच्छायम् ।
अस्मिन्नव ग्रन्थे श्लो० 61. इथूणां छाया इक्षुच्छायम् । नपुंसकत्वम् । तत्र निषण्णा इक्षुच्छायनिषादिन्यः । स्त्रीलिङ्गपाठे इक्षोः छाया इति विग्रहः ।
रघुवंशे-I. 75.
पुरा शक्रमुपस्थाय तवोर्वी प्रति यास्यतः ।
आसीत्कल्पतरुच्छायामाश्रिता सुरभिः पथि ।। 883 ॥ अत्र कल्पतरोः छाया कल्पतरुच्छाया ।
