________________
निम्मलमणिरयणमउहजालउज्जोविए विमाणमि । नियपरियणपरियरिओ कीलइ सच्छंदलीलाए॥ २३२ ॥ आउक्खएण तत्तो चविउं सो मणुयतिरियजोणीसु । नरयकुदेवेसुंपिय पुणरुत्तं परिभमेऊण ॥ २३३ ॥ रायग्गिहमि नयरे दियवरकविलस्स कंतिमइयाए । गिहिणीए गन्मम्मी पुत्तत्तेणं समुप्पन्नो ॥ २३४ ॥ जाओ समुचिअसमए नामपि य थावरोत्ति से विहियं । सत्तेण य गत्तेण य कुमारभावं च वोकतो ॥ २३५॥स अणवरयमरणजरजम्मवाहिदुहनिवहपीडियं लोयं । दह्ण काउकामोवि धम्ममइमोहमूढो सो ॥ २३६ ॥ नो वच्चइ दुक्करतवविहाणनिरयाण जिणमुणिंदाणं। पासंमि कयावि हु नेव अन्नतिथियजणस्सावि २३७ जुम्म।) एवं अच्छंतो सो पेच्छइ एगं तिदंडिणं समणं । चिविडियनासावंसं भग्गोट्टउडं दलियदसणं ॥ २३८ ॥ कुमुयं व चंददसणवसेण कमलं व दिणयरुग्गमओ। सालत्तयतरुणचरणताडणाओ असोगुच ॥ २३९ ॥ तं पासिऊण वियसंतनयणनलिणो परं पमोयभरं । अइदुलहवालहसंगमे व सो पाविओ झत्ति ॥ २४०॥ पइजम्मपरिवायगदिक्खागहणुब्भवंतुनेहाओ । तत्तपरिपुच्छणहा तस्स सगासं समलीणो ॥ २४१ ॥ नमिउं चरणे सच्चायरेण सो पुच्छिओ य धम्मविहिं । जोगोत्ति कलिय तेणवि तिदंडिणा साहिओ तस्स २४२ अन्नं च इमं सिढे जहाऽहमिह दुक्खिओ ठिओ पुषिं। विसयपिवासाणडिओ कुसलेण तहान ठायचं ॥२४॥ अह थावरेण भणियं भयवं! कह तं ठिओ इह दुहत्तो । विसयपिवासानडिओ कहेहि कोऊहलं मज्झ ॥२४॥
-
