________________
गुणचंद हावीरच ०
प्रस्ताव:
किमेवं विलवेसि ?, अवकमइ एस पसत्थहत्यलग्गमुहत्तो, एवं चं सोचा चारुदत्तेण चिंतियं मन्ने एसा वराई पुत्रदिन्नसंकेयपुरिसबुद्धीए मं समुल्लवइ, ता जावऽज्जवि सो न आगच्छ ताव करेमि कुसुममालासउणं जहत्थयंति चिंतिऊण झडत्ति उडिओ एसो, नीओ तीए कुसुमाउहस्स पुरओ, पाडिओ तचरणेसु, गहाविओ कणगाव२०१ ॥ ५, ईए सभावपाडलं पाणिपल्लवं, कओ संखेवेण सेसोऽवि तक्कालोचियविही, इय वित्ते विवाहे पणमिऊण कणगवईए विसजिया सहाणं पचाइगा, भणिओ य चारुतो -अजउत्त! उत्तमार्ग एसो नो सम्मओ ववहारो, ता कइवय वासराई जुज्जइ अन्नत्थ निवसिउँ, पडिवन्नं चारुदत्तेण, निहरियाई कुसुमाउहरूस मंदिराओ, नवरं चारुदत्तेण मयणपायपडणकइयवेण पडिनियत्तिऊण तं नम्मसचिवं निम्मरपसुतं पवोहिऊण सिट्टो परिणगणवृत्तंतो, तेण भणियंचारुदत्त ! जइ एवं ता वचसु अलक्खियसरूवो चिय तीए सह तुमं, अहं पुण खणंतरं एत्थेव पडिवालिऊण आगमि स्सामि, एवं भणिए चारुदत्तो तत्रयणं पडिवजिय तीए समं समयं नयरहुत्तं गंतुं पवत्तो। इओ य समझकते रयणीए जामदुगे पत्थावं सुणिऊण सो वणियजुवाणो विवाहसामग्गिं घेतॄण समागओ तंसि कुमुमाउहमंदिरे, मंदगिराए भणिउं पवत्तो य-भो कणगवई ! एहि संपयं आगओऽहं वट्टामित्ति, सोय नम्मसचिवो केली किलत्तणेण इत्थीभासाए निहुयं पडिवयणं दाऊण ठिओ तदभिमुहो, तेणावि रभसभरवक्खित्तचित्तत्तणेण अविभाविऊण परमत्थं खित्ता से कंठंमि कुसुममाला, कंकणबंधपुरस्सरं च कओ पाणिग्गहो, एत्यंतरे य कहकहत्ति पहसंतेण भणियं तेण-भो
सूरसेन
चारुदत्त
कनकपती
भव
॥ २०१ ॥
