________________
खणमेकं कुणह विजणं, न होइ सामन्नो एस दोसो, उवेहिजंतो जीवियंपि हरेज्जा, एवमायन्निऊण दिन्नं से परियणेण आसणं, विजणं च कयं, तओ तीए सुचिरं अड्डवियड्डाई पल्लविऊण महया वित्थरेण कओ मुद्दाविन्नासो, पारद्धं मंतसुमरणं, कुसुमक्खयखेवेण य पूइयं जोगिणीचकं, मुक्को हुंकारो, अचंतसमीपे य ठाऊण महामंतोष सिद्धो तस्स वणियस्स वृत्तंतो, कणगवईवि झत्ति तं निसामिऊण पचजीवियव हरिसभरमुवहंती भणिउं पवत्ता - भयवह । एतो तुमं चैव पमाणं, तो तहा कहंपि कुणसु जह निरंतरो तेण सह संजोगो जायइ, तीए बुत्तं - एवं करेमि, अह दिन्नतंबोला उडिया एसा, सिट्ठो य एस वइयरो तस्स जुवाणस्स, तेणावि पवरवत्थाईहिं उवचरिया एसा, अवरवासरे य तेसिं सिटुमेयाए, जहा - अज रयणीए जामदुर्गमि अइकंतंमि सोहणो मुद्दतो ता तुम्मेहिवि भगवओ कुसुमाउहस्स भवणे गंतवं, विवाहो कायवोत्ति, पडिवन्नं च तेहिं । इओ य सो चारुदत्तो सयणजणेण दारपरिग्गहाओ पडिसिद्धो समाणो असिद्धकजोत्ति सोगमुहंतो तेण सहाइणा समं नीहरिऊण रयणीए सयणघराओ पसुतो रंगि चैव कुसुमाउह मंदिरंमि, खणं च समागयनिहो पडिबुद्धो समाणो जाव कुसुममालानिमित्तनिष्फलत्तणपमुहं पुचमइयरं विचिततो अच्छइ ताव गिहजणेण अवियाणिजंती अविमुणियरयणिविभागा अपत्तेऽवि मज्झरते परिणयणाणुरुवोवगरणहत्थाए पचाइगाए अणुगया मंदमंदमुकचलणा समागया कणगवई, विरइया कुसुमाउहस्स पूषा, पचाइगाएवि भवणन्भंतरं करेण परामुसंतीए पत्तो चारुदत्तो, पुवभणियवणिय संकियाए सवणमूले ठाऊण भणिओ-अहो
--
