________________
२२२
कसाय पाहुड मुत्त (१४९) ३. एक्कम्मि द्विदिविसेसे सेसाणि ण जत्थ होंति सामण्णा ।
आवलिगा संखेज्जदिभागो तहिं तारिसो समयो ।।२०२॥ (१५०) ४. एदेण अंतरेण दु अपच्छिमाए दु पच्छिमे समए । भव-समयसेसगाणि तु णियमा तम्हि उत्तरपदाणि ॥२०३।।
९ मूलगाहा(१५१) किट्टीकदम्मि कम्मे द्विदि-अणुभागेसु केसु सेसाणि । कम्माणि पुव्यवद्धाणि वज्झमाणाणुदिण्णाणि ॥२०४॥
भासगाहा(१५२) १. किट्टीकदम्मि कम्मे णामा-गोदाणि वेदणीयं च ।
वस्सेसु असंखेज्जेसु सेसग्गा होंति संखेज्जा ॥२०५॥ (१५३) २. किट्टीकदम्मि कम्ये सादं सुहणाममुच्चगोदं च । बंधदि च सदसहस्से हिदिमणुभागेसुदुक्कस्सं ॥२०६॥
१० भूलगाहा(१५४) किट्टीकदम्मि कम्मे के बंधदि के व वेदयदि अंसे । संकामेदि च के के केसु असंकामगो होदि ॥२०७॥
'भासगाहा(१५५) १. दससु च वस्सस्संतो वंधदि णियमा दु सेसमे असे ।
देसावरणीयाई जेसिं ओवणा अस्थि ।।२०८।। (१५६) २. चरिमो बादररागो णामा-गोदाणि वेदणीयं च ।
वस्सस्संतो बंधदि दिवसस्संतो य ज सेसं ॥२०९॥ . (१५७) ३. चरिमो य सुहमसगो णामा-गोदाणि वेदणीयं च ।
दिवस्संतो बंधदि भिण्णमुहत्तं तु जं सेसं ॥२१०॥ (१५८) ४. अध सुद-मदिआवरणे च अंतराइए च देसमावरणं ।
लद्धी यं वेदयदे सव्वावरणं अलद्धी य ॥२११॥ (१५९) ५. जसणाममुच्चगोदं वेदयदि णियमसा अणंतगुणं ।
गुणहीणमंतरायं से काले सेसगा भज्जा ॥२१२॥
११मूलगाहा(१६०) किट्टीकदम्मि कम्मे के वीचारो दु मोहणीयस्स ।
सेसाणं कम्माणं तहेव के के दु वीचारा ॥२१३।।
