________________
३०८
जीवाभिगमसूत्रे अपज्जत्ता य तेसि णं भंते ! जीवाणं कइ सरीरंगा पन्नत्ता ? गोयमा ! पंच सरीरा पन्नत्ता । तं जहा-ओरालिए जाव कम्मए । सरीरोगाहणा जहन्नेणं अंगुलासंखेज्जइभागे, उक्कोसेणं तिन्नि गाउयाई । छच्च वि संधयणा । छ संठाणा । ते णं भंते ! जीवा किं कोहकसाई जाव लोभकसाई अकसाई ? गोयमा ! सव्वे वि । ते णं भंते ! जीवा किं आहारसन्नोवउत्ता जाव लोभसन्नोवउत्ता नोसन्नोवउत्ता गोयमा ! सव्वे वि । ते णं भंते ! जीवा किं कण्हलेस्सा य जाव अलेस्सा ? गोयमो ! सब्वे वि। सोइंदियोवउत्ता जाव नो इंदियोवउत्ता वि, सत्त समुग्घाया, तं जहा-वेयणासमुग्घाए जाव केवलिसमुग्घाए। सन्नी वि नो सन्नी नो असन्नी वि, इत्थियवेया वि जाव अवेया वि, पंच पज्जत्ती तिविहा वि दिट्ठी, चत्तारि दंसणा, णाणीवि अन्नाणी वि । जे नाणी ते अस्थगइया दुण्णाणी, अत्थेगइया तिन्नाणी, अत्थेगइया चउण्णाणी, अत्थेगइया एग णाणी, जे दुण्णाणी ते नियमा आभिणिवोहियणाणी सुयणाणी य । जे तिण्णाणी ते आभिणिवोहियनाणी सुयनाणी ओहिनाणी य अहवा आभिणिवोहियनाणी सुयनाणी मणपज्जवनाणी य, ये चउण्णाणी ते नियमा आभिणिवोहियनाणी सुयनाणी ओहि नाणी मणपज्जवनाणी य, जे एगनाणी ते नियमा केवलनाणी एवं अन्नाणी वि दुअन्नाणी ति अन्नाणी। मणजोगी वि वइ जोगीवि कायजोगी वि, अजोगी वि, दुविहे उवओगे । आहारो छदिसि उववाओ नेरइएहिं अहे सत्तम वज्जेहिं तिरिक्ख जो णिएहिं उववाओ असं- खेज्जवासाउयवज्जेहिंतो मणुएहितो अकम्मभूमगअंतरदीवगअसं
