________________
२२६
जीवाभिगमसूत्रे च्छिमपंचिंदियतिरिक्खजोणिया ? संमुच्छिमपंचिंदियतिरिक्खजोणिया तिविहा पन्नत्ता तं जहा-जलयरा थलयरा खहयरा। से किं तं जलयरा ? जलयरा पंचविहा पन्नत्ता तं जहा-मच्छगा कच्छभा मगरा गाहा सुंसुमारा । से किं तं मच्छा ? एवं जहा पण्णवणाए जाव सुंसुमारा एगागारा पन्नत्ता, जे यावन्ने तहप्पगारा, ते समासओ दुविहा पन्नत्ता, तं जहा पज्जत्ता य अपज्जत्ता य । तेसि णं भंते !जावाणं कइ सरीरंगा पन्नत्ता ? गोयमा ! तओ सरीरंगा पन्नत्ता तं जहा-ओरालिए तेयए कम्मए । सरीरोगाहणा जहन्नेणं अंगुलस्स असंखेज्जइभागं, उक्कोसेणं जोयणसहस्सं । छेवट्टसंघयणी। हुडसंठिया। चत्तारि कसाया। सन्नाओ चत्तारि। लेस्साओ तिन्नि । इंदिया पंच । समुग्घाया तिन्नि । णो सन्नी असन्नी। णपुंसगवेयगा । पज्जत्तीओ अपज्जत्तीओ य पंच । दो दिट्ठीओ। दो दसणा । दो नाणा दो अन्नाणा । दुविहे जोए दुविहे उवजोए । आहारो छदिसि । उववाओ तिरियमणुस्सेहिंतो नो देवेहितो नो नेरइएहितो तिरिएहितो असंखेज्जवासाउयवज्जेहिंतो अकम्मभूमग अंतरदीवग असंखेज्ज वासाउयवज्जेहिंतो मणुस्से हितो ठिई जहन्नेणं अंतोमुहुत्तं, उक्कोसेणं पुव्वकोडी । मारणंतियसमुग्धारण दुविहा वि मरंति । अणतरं उव्वटित्ता कहिं०, नेरइएसु वि तिरिक्खजोणिएसु वि मणुस्सेसु वि देवेसु वि। नेरइएसु रयणप्पभाए, सेसेसु पडिसेहो । तिरिएसु सव्वेसु उववज्जंति, संखेज्जवासाउएसु वि असंखेज्जवासाउएसु वि, चउप्पएसु पक्खीसु वि मणुस्सेसु सव्वेसु वि, कम्मभूमिएसु नो अकम्मभूमिएसु, अंतरदीवएसु
