________________
तइयं अज्झयणं
तइयं अज्झयणं
चाउरंगिज्ज चत्तारि परभंगाणि दुल्लहाणीह जन्तुणो । माणुसत्तं सुई सद्धा संजमंमि य वोरियं ॥ १ ॥ समावन्नाण संसारे नाणागोत्तासु जाइसु ।। कम्मा नाणाविहा कटु पुढो विस्संभिया पया ॥ २ ॥ एगया देवलोएसु नरएसु वि एगया। एगया आसुरं कायं आहाकम्मे हि गच्छई ।। ३ ।। एगया खत्तिओ होइ तओ चण्डालवोक्कसो। तओ कीडपयंगो य तओ कुन्थुपिवीलिया ॥ ४ ॥ एवमावट्टजोणीसुपाणिणो कम्मकिव्विसा । न निविज्जन्ति संसारे सव्वट्ठसु व खत्तिया ।। ५ ।। कम्मसंगेहिं सम्मूढा दुक्खिया वहुवेयणा । अमाणुसासु जोणीसु विणिहम्मन्ति पाणिणो ॥ ६ ॥ कम्माणं तु पहाणाए आणुपुव्वी कयाइ उ । जीवा सोहिमणुप्पत्ता आययन्ति मणुस्सयं ॥ ७ ॥ माणुस्सं विग्गहं लद्धं सुई धम्मस्स दुल्लहा । जं सोच्चा पडिवज्जन्ति तवं खन्तिमहिंसयं ।। ८ ॥ आहच्च सवणं लद्धं सद्धा परमदुल्लहा । सोच्चा. नेआउयं मग्गं वहवे परिभस्सई ॥ ६ ॥
