________________
८४
उत्तरज्झयणं
वेएज्ज निज्जरापेही आरियं धम्मऽणुत्तरं । जाव सरीरभेउ त्ति जल्लं कारण धारए ।। ३७ ।।
(१६) सक्कारपुरक्कारपरीसहे अभिवायणमभट्टाणं सामी कुज्जा निमन्तणं । जे ताइं पडिसेवन्ति न तेसि पीहए मुणी ।। ३८ ।। अणुक्कसाई अप्पिच्छे अन्नाएसी अलोलुए। रसेसु नाणुगिज्झेज्जा नाणतप्पेज्ज पन्नवं ।। ३६ ॥
(२०) पन्नापरीसहे से नूणं मए पुत्वं कम्माणाणफला कडा । जेणाहं नाभिजाणामि पुट्ठो केणइ कण्हुई ॥ ४० ॥ अह पच्छा उइज्जन्ति कम्माणाणफला कडा । एवमस्सासि अप्पाणं नच्चा कम्मविवागयं ।। ४१ ।।
(२१) अन्नाणपरीसहे निरट्ठगम्मि विरओ मेहुणाओ सुसंवुडो। जो सक्खं नाभिजाणामि धम्मं कल्लाण पावगं ।। ४२ ।। तवोवहाणमादाय पडिमं पडिवज्जओ । एवं पि विहरओ मे छउमं न नियट्टई ॥४३॥
(२२) दंसणपरीसहे नत्थि नूणं परे लोए इडढी वावि तवस्सिणो। अदुवा वंचिओ मि त्ति इइ भिक्खू न चिन्तए ॥ ४४ ।। अभू जिणा अस्थि जिणा अवावि भविस्सई। मुसं ते एवमाहंसु इइ भिक्खू न चिन्तए ।। १५ ।। एए परीसहा सव्वे कासवेण पवेइया । जे भिक्खू न विहन्नेज्जा पुट्ठो केणइ कण्हुई ।। ४६ ।।
.. -त्ति वेमि ।।
