________________
* अट्ठमझयणं
तणरुक्खं न छिदेज्जा फलं मूलं व कस्सई। आमगं विविहं बीयं मणसा वि न पत्थए ।। १० ।। गहणेसु न चिट्ठज्जा वीएसु हरिएसु वा। .. उदगम्मि तहा निच्चं उत्तिंगपणगेसु वा ॥११ ।। तसे पाणे न हिंसेज्जा वाया अदुव कम्मुणा । उवरओं सव्वभूएसु पासेज्ज विविहं जगं ।। १२ ।। अट्ठः सुहुमाइं पेहाए जाई जाणित्तु संजए। . दयाहिगारी भूएसु आस चिट्ठ सएहि वा ॥ १३ ।। कयराइ अटु सुहमाई जाइपुच्छेज्ज संजए। इमाई ताइ मेहावी आइक्खेज्ज वियवखणो ।। १४ ।। सिणेहं पुप्फसुहुमं च पाणुत्तिगं तहेव य ! पणगं बीय हरियं च अंडसुहुमं च अट्ठमं ।। १५ ।। एवमेयाणि . जाणित्ता सव्वभावेण संजए। अप्पमत्तो. जए निच्चं सर्दिवदियसमाहिए ।। १६ ।। धुवं च पडिलेहेज्जा जोगसा पायकंबलं । सेज्जमुच्चारभूमि च संथारं अदुवासणं ।। १७ ॥ उच्चारं पासवणं खेलं सिंघाणजल्लियं । फासुयं पडिले हित्ता परिढावेज्ज संजए । १८ ।। पविसित्तु परागारं पाणट्ठा भोयणस्स वा । जयं चिट्ठ मियं भासे ण य रूवेसु मणं करे ।। १६ ॥ वहुं सुणेइ कण्णेहिं वहुं अच्छीहिं पेच्छइ । न य दिट्ट सुयं सव्वं भिक्खू अवखाउमरिहइ ॥ २० ॥
