________________
४४
दसवेआलियं
अट्ठमज्झयणं
आयारपणिही आयारप्पणिहिं लद्धु जहा कायव्व भिक्खुणा। तं भे उदाहरिस्सामि आणुपुवि सुणेह मे ॥ १ ॥ पुढवि दग अगणि मारुय तणरुख सबीयगा। तसा य पाणा जीव त्ति इइ वुत्तं महेसिणा ।। २ ।। तेसिं अच्छणजोएण निच्चं होयव्वयं सिया। मणसा कायवक्केण एवं भवइ संजए ॥ ३ ॥ पुढवि भिति सिलं लेलुनेव भिदे न संलिहे। तिविहेण करणजोएण संजए सुसमाहिए ॥ ४ ॥ . . सुद्धपुढवीए न निसिए ससरक्खम्मि य आसणे । पमज्जित्तु निसीएज्जा जाइत्ता जस्स ओग्गहं ॥ ५ ॥ सीओदगं न सेवेज्जा सिलावुटु हिमाणि य । उसिणोदगं तत्तफासुयं पडिगाहेज्ज संजए ।। ६ ॥ उदउल्लं अप्पणो कायं नेव पुछे न संलिहे । समुप्पेह तहाभूयं नो णं संघट्टए मुणी ॥ ७ ॥ इंगालं अगणि अच्चि अलायं व सजोइयं । न उंजेज्जा न घट्टेज्जा नो णं निव्वावए मुणी ॥ ८ ॥ तालियंटेण पत्तेण साहाविहुयणेण वा । न वोएज्ज अप्पणो कायं वाहिरं वा वि पोग्गलं ।। ६ ।। ..
