________________
दसवेआलियं
तस्स पस्सह कल्लाणं अणेगसाहपूइयं । विउलं अत्थसंजुत्तं कित्तइस्सं सुणेह मे ।। ४३ ।।
एवं तु स गुणप्पेही अगुणाणं च विवज्जओ। तारिसो मरणंते वि आराहेइ संवरं ।। ४४ ॥
आयरिए आराहेइ समणे यावि तारिसो। गिहत्था वि णं पूयंति जेण जाणंति तारिसं ।। ४५ ।।
तवतेणे वयतेणे स्वतेणे य जे नरे। आयारभावतेणे य कुव्वइ देवकिविसं ।। ४६ ।। .
लद्धण वि देवत्तं उववन्नो देवकिब्बिसे । तत्था वि से न याणाइ कि मे किच्चा इमं फलं? ।। ४७ ।।
तत्तो वि से चइत्ताणं लम्भिही एलमूययं । नरयं तिरिक्खजोणि वा वोही जत्थ सुदुल्लहा ।। ४८ ।। एयं च दोसं दटु णं नायपुत्तेण भासियं । अणुमायं पि मेहावी मायामोसं विवज्जए ॥ ४६॥ सिक्खिऊण भिक्खेसणसोहिं
संजयाण बुद्धाण सगासे । तत्थ भिक्खू सुप्पणिहिदिए
तिव्वलज्ज गुणवं विहरेज्जासि ।। ५०॥
. -त्ति बेमि ॥
