________________
पंचम अज्झयणं (बीओ उद्देसो)
. .. २६
' अत्तगुरुओ लुद्धो वहु पावं पकुव्वई ।
दुत्तोसओ य से होइ निवाणं च न गच्छई ।। ३२ ।। सिया एगइओ लदधु विविहं पाणभोयणं । . भगं भद्दगं भोच्चा विवण्णं । विरसमाहरे ।। ३३ ॥ जाणंतु ता इमे समणा आययही अयं मुणी।। संतुट्ठो सेवई पंतं लहवित्ती सुतोसओ ॥ ३४ ।। पूयणट्ठी जसोकामी माणसम्माणकामए । वहुं पसवई पावं मायासल्लं च कुव्वई ।। ३५ ।। सुरं वा मेरगं वा. वि अन्नं वा मज्जगं रसं। · ससक्खं न पिबे भिक्खू जसं सारक्खमप्पणो ।। ३६ ॥ पिया एगइओ तेणो न मे कोइ वियाणई। तस्स पस्सह दोसाई नियडिं च सुणेह मे ।। ३७ ॥ वड्ढई सोंडिया तस्स मायमोसं च भिक्खुणो। अयसो य अनिव्वाणं सययं च . असाहुया ।। ३८ ॥ निच्चुम्विग्गो जहा तेणो अत्तकम्मेहि दुम्मई। . तारिसो मरणंते वि नाराहेइ संवरं ।। ३६ ॥ आयरिए नाराहेइ समणे यावि तारिसो। गिहत्था वि णं गरहंति जेण जाणंति तारिसं ॥ ४० ।। एवं तु अगुणप्पेही गुणाणं च विवज्जओ। . तारिसो मरणते. वि नाराहेइ संवरं ॥४१॥ . • तवं कुव्व इ. मेहावी पणीयं वज्जए रसं । मज्जप्पमायविरओ तवस्सी अइउक्कसो ॥ ४२ ॥
