________________
__३२२
नंदी-सुत्तं दंसिज्जंति, निदेसिज्जति, उवदंसिज्जति । से एवं आया, एवं नाया, एवं विण्णाया एवं चरण-करण-परूवणा आविज्जइ।
से तं अणुत्तरोववाइयदसाओ। सुत्तं ५४ से कि तं पण्हावागरणाई ?
पण्हावागरणेसु णं अठुत्तरं पसिणसयं, अठ्ठत्तरं अपसिणसयं अठ्ठत्तरं पसिणापसिणसयं, तं जहा~अंगुट्ठपसिणाई, बाहुपसिणाई, अदागपसिणाई अन्ने वि विचित्ता विज्जाइसया, नागसुवणेहिं सद्धि दिव्वा संवाया आधविज्जति । पण्हावागरणाणं परित्ता वायणा, संखिज्जा अणुओगदारा, संखिज्जा वेढा, . संखिज्जा सिलोगा, संखिज्जाओ निज्जुत्तीओ, संखिज्जाओ संगहणीओ, संखिज्जाओ पडिवत्तीओ। से णं अंगठ्ठयाए दसमे अंगे, एगे सुयक्खंधे, पणयालीसं अज्झयणा, पणयालीसं उद्देसणकाला, पणयालीसं समुद्देसणकाला, संखेज्जाइं पयसहस्साई पयग्गेणं, संखेज्जा अक्खरा, अणंता गमा, अणंता पज्जवा, परित्ता तसा, अणंता थावरा सासय-कड-निवद्ध-निकाइया जिणपण्णत्ता भावा .
A
