________________
२६०
उत्तरज्झयणं
संवट्टगवाते य उणेगविहा एवमायो। एगविहमणाणत्ता सुहुमा ते वियाहिया ॥१२०।। सुहमा सबलोगम्मि लोगदेसे य वायरा। इत्तो कालविभागं तु तेसिं वुच्छं चउन्विहं ।।१२१।। . संतइं पप्पऽणाईया अपज्जवसिया वि य । ठिई पडुच्च साईया सपज्जवसिया वि य ।।१२२।। तिण्णेव सहस्साई वासाणक्कोसिया भवे। . आउट्टिई वाऊणं अन्तोमुहत्तं जहन्निया ।।१२३।। असंखकालमुक्कोसं , अन्तोमुहत्तं जहन्नयं । कायटिई वाऊणं तं कायं तु अमुचओ ।।१२४।। अणन्तकालमुक्कोसं अन्तोमुत्तं जहन्नयं । विजढं मि सए काए वाउजीवाण अन्तरं ।।१२५।। एएसि वण्णओ चेव गन्धओ रसफासओ। . संठाणादेसओ वावि विहाणाइं सहस्ससो ॥१२६।। .. ओराला तसा जे उ चउहा ते पकित्तिया। वेइन्दियते इन्दिय- चउरोपंचिन्दिया चेव ।।१२७।। वेइन्दिया उ जे जीवा दुविहा ते पकित्तिया । पज्जत्तमपज्जत्ता तेसिं भेए सुणेह मे ।।१२८।। किमिणो सोमंगला चव अलसा माइवाया। वासीमुहा य सिप्पीया संखा संखणगा तहा ॥१२६।। पल्लोयाणुल्लया चेव तहेव य वराडगा। जलूगा जालगा चेव चन्दणा य तहेव य ॥१३०।।
