________________
'छत्तीसइमं अज्झयणं.
२५७ एगविहमणाणत्ता सुहमा तत्य वियाहिया। . सुहमा सव्वलोगम्मि लोगदेसे य वायरा ।। ८७ ।। सन्तई पप्पऽणाईया अपज्जवसिया वि य । ठिई पडुच्च साईया सपज्जवसिया वि य ।। ८८ ।। सत्तेव. सहस्साई वासाणुक्कोसिया भवे । आउट्ठिई आऊणं अन्तोमुहत्तं जहन्निया ।। ८६ ॥ असंखकालमुक्कोसं अन्तोमुहत्तं जहन्निया । कायट्टिई आऊणं तं. कायं तु अमुचओ ॥ ६० ॥ अणन्तकालमुक्कोसं अन्तोमुहत्तं जहन्नयं । विजढंमि सए काए आऊजीवाण अन्तरं ।। ६१ ।।
एएसिं वण्णओ चेव गन्धओ रसफासओ। .: संठाणादेसओ वावि विहाणाइ सहस्ससो।। ६२ ।। .. दुविहा वणस्सईजीवा सुहुमा वायरा तहा। .
पज्जत्तमपज्जत्ता एवमेए दुहा पुणो ।। ६३ ॥ वायरा जे उ पज्जत्ता दुविहा ते वियाहिया। . साहारणसरीरा य पत्तेगा य तहेव य ।। ६४ ॥ पत्तेगसरीरा उ. णेगहा ते : पकित्तिया । . रुक्खा गुच्छा य गुम्मा य लया बल्ली तणा तहा ।। ६५ ।। लयावलया पव्वगा कुणा जलरुहा ओसहीतिणा। . हरियकाया य बोद्धव्वा पत्तेया इति आहिया ॥६६ ।। साहारणसरीरा - उ णेगहा ते पकित्तिया। . आलुए मूलए चेव सिंगबेरे तहेव य ॥ ६७ ।।
