________________
चउतीसइम अज्झयणं
पंचासवप्पवत्तो तीहिं अगुत्तो छम् अविरओ य। तिव्वारम्भपरिणओ खद्दो साहसिओ नरो ।। २१ ।। निद्धन्धसपरिणामो. निस्संसो अजिइन्दिओ। एयजोगसमाउत्तो किण्हलेसं तु.. परिणमे ॥ २२ ॥ इस्साअमरिसअतवो अविज्जमाया अहीरिया य । गेद्धी पओसे य सढे, पमत्ते रसलोलुए साय गवेसए य ।। २३ ।। आरम्भाओ अविरओ खहो साहस्सिओ नरो। एयजोगसमाउत्तो . नीललेसं तु परिणमे ॥ २४ ॥ वंके . वंकसमायारे नियडिल्ले . अणुज्जुए। . पलिउंचग ओवहिए मिच्छदिट्ठी अणारिए ।॥ २५ ॥ उप्फालगदुवाई . य तेणे यावि य मच्छरी। एयजोगसमाउत्तो . काउलेसं तु परिणमे ॥ २६ ।। नीयावित्ती अचवले अमाई अकुऊहले। विणीयविणए दन्ते जोगवं उवहाणवं ।। २७ ।। पियधम्मे . . दधम्मे वज्जभीरू हिएसए। एयजोगसमाउत्तो तेउलेसं तु परिणमे ।। २८ ।। पयणुक्कोहमाणे . य मायालोभे य पयणुए। पसन्तचित्ते . दन्तप्पा जोगवं उवहाणवं ।। २६ ॥ तहा पयणवाई य उवसन्ते जिइन्दिए। एयजोगसमाउत्तो पम्हलेसं तु परिणमे ।। ३० ।। अट्टरुद्दाणि वज्जित्ता धम्मसुक्काणि झायए । पसन्तचित्ते दन्तप्पा समिए गुत्ते य गुत्तिहिं ।। ३१ ।।
