________________
चउतीसइमं अज्झयणं
२४१
चउतीस इमं अज्झयणं
लेसज्झयणं लेसज्झयणं पवक्खामि आणुपुवि जहक्कम। . छण्हं पि कम्मलेसाणं अणुभावे सुणेह मे ।। १ ।। नामाई वण्णरसगन्ध . फासपरिणामलक्खणं । ठाणं ठिई गई चाउं लेसाणं तु सुणेह मे ॥ २ ॥ किण्हा नीला य काऊ य तेऊ पम्हा तहेव य । सुक्कलेसा य छटा उ नामाइं तु जहक्कमं ।। ३ ॥ जीमूयनिद्धसंकासा गवलरिटुगसन्निभा। खंजणंणनयणनिभा किण्हलेसा उ वण्णओ ॥ ४ ॥ नीलाऽसोगसंकासा चासपिच्छसमप्पभा। वेरुलियनिद्धसंकासा नीललेसा उ वण्णओ ।। ५ ।। अयसीपुप्फसंकासा कोइलच्छदसन्निभा । पारेवयगीवनिभा काउलेसा उ वण्णओ ॥ ६ ॥ हिंगुलुयधाउसंकासा तरुणाइच्चसन्निभा। सुयतुण्डपईवनिभा तेउलेसा उ वण्णओ ॥ ७ ॥ हरियालभेयसंकासा हलिद्दाभेयसंनिभा । सणासणकुसुमनिभा पम्हलेसा उ वण्णओ ।। ८ ।। संखंककुन्दसंकासा खीरपूरसमप्पभा। रययहारसंकासा सुक्कलेसा उ वण्णओ ।। ६ ।।
