________________
२३६ . .
.
तेतीसइमं अज्झयणं
चरित्तमोहणं कम्मं दुविहं तु वियाहियं । .. कसायमोहणिज्जं तु -नोकसायं तहेव य ।। १० ।। सोलसविहभेएणं कम्मं तु कसायज । सत्तविहं नवविहं वा कम्मं नोकसायजं ।। ११ ।। नेरइयतिरिक्खाउ मणुस्साउ तहेव य । देवाउयं चउत्थं तु आउकम्मं चउविहं ।। १२ ।। नाम कम्मं तु दुविहं सुहमसुहं च आहियं । सुहस्स उ बहू भेया एमेव असुहस्स वि ।। १३ ॥ गोयं कम्म विहं उच्चं नोयं च आहियं । उच्चं अट्ठविहं होड एवं नीयं पि आहियं ।। १४ ।। दाणे लाभे य भोगे य उवभोगे वीरिए तहा। पंचविहमन्त रायं समासेण वियायिं ।। १५ ।। एयाओ मूलपयडीओ उत्तराओ य आहिया । पएसग्गं खत्तकाले य भावं चादुत्तरं सुण ।। १६ ।। सव्वेसिं चेव कम्माणं पएसग्गमणन्तगं । गण्ठियसत्ताईयं अन्तो सिद्धाण आहियं ।। १७ ।। सव्वजीवाण कम्मं तु संगहे छद्दिसागयं । सव्वेसु वि पएसेसु सव्वं सव्वेण वद्धगं ॥ १८ ॥ उदहीसरिनामाणं तीसई कोडिकोडिओ। उक्कोसिया ठिई होइ अन्तोमुहुत्तं जहन्निया ॥ १६ ॥ आवरणिज्जाण दुण्हं पि वेयणिज्जे तहेव य । । अन्तराए य कम्मम्मि ठिई एसा वियाहिया ।। २० ॥
