________________
२२८
उत्तरज्झयणं
रसा पगामं न निसेवियव्वा, पायं रसा दित्तिकरा नराणं । दित्तं च कामा समभिद्दवन्ति, दुमं जहा साउफलं व पक्खी ।। १० ।। जहा दवग्गी पउरिन्धणे वणे, समारुओ नोवसमं उवेइ। . एविन्दियग्गी वि पगामभोइणो, न वम्भयारिस्स हियाय कस्सई ।।११।। विवित्तसेज्जासणजन्तियाणं, ओमसणाणं दमिइन्दियाणं । . न रागसत्तू धरिसेइ चित्तं, पराइओ वाहिरिवोसहेहिं ।। १२ ।। जहा विरालावसहस्स मूले, न मूसगाणं वसही पसत्था । .. एमेव इत्थी निलयस्स मज्झे, न वम्भयारिस्स खमो निवासी ॥ १३ ॥
न रूवलावण्णविलासहासं, न जंपियं इंगियपेहियं वा। इत्थीण चित्तंसि निवेसइत्ता, दठ्ठ ववस्से समणे तवस्सी ।। १४ ।। : अदंसणं चेव अपत्थणं च, अचिन्तणं चेव अकित्तणं च । इत्थीजणस्सारियझाणजोग्गं, हियं सया वम्भवए रयाणं ॥१५॥ कामं तु देवीहि विभूसियाहिं, न चाइया खोभइउं तिगुत्ता। तहा वि एगन्तहियं ति नच्चा, विवित्तवासो मुणिणं पसत्थो ।। १६ ॥ मोक्खाभिकंखिस्स वि माणवस्स, संसारभीरुस्स ठियस्स धम्मे। . नेयारिसं दुत्तरमत्थि लोए, जहित्थिओ वालमणोहराओ ।। १७ ॥
एए य संगे समइक्कमित्ता, सुहत्तरा चेव भवन्ति सेसा । . . जहा महासागरमुत्तरित्ता, नई भवे अवि गंगासमाणा ॥ १८ ॥ कामाणगिद्धिप्पभवं ख दुक्खं, सव्वस्स लांगस्स सदेवगस्स। जं काइयं माणसियं च किंचि, तस्सऽन्तगं गच्छद वीयरागो ॥ १६ ॥
जहा य 'किंपागफला मणोरमा, रसेण वण्णेण य भुज्जमाणा।.... ' ते खुड्डए. जीविय पच्चमाणा, एओवमा कामगुणा विवागे.॥ २० ॥
