________________
२१२
उत्तरज्झयणं सू०१६-सज्झाएण भन्ते ! जीवे किं जणयइ ?
सज्झाएण नाणावरणिज्ज कम्म खवेइ । सू० २०-वायणाए णं भन्ते ! जीवे किं जणयइ ?
वायणाए णं निज्जरं जणयइ। सुयस्स य अणासायणाए वट्टए । सुयस्स अणासायणाए वट्टमाणे तित्थधम्म अवलम्वइ । तित्थधम्म अवलम्वमाणे महानिज्जरे महापज्जवसाणे भवइ। सू० २१-पडिपुच्छणयाए णं भन्ते ! जीवे किं जणयइ ?
पडिपुच्छणयाए णं सुत्तत्थतंदुभयाई विसोहेइ । कंखामोहणिज्जं कम्मं वोच्छिन्दइ। सू० २२-परियट्टणाए णं भन्ते ! जीवे किं जणयइ ?
परियट्टणाए णं वंजणाई जणयइ वंजणद्धिं च उप्पाएइ । सू० २३-अणुप्पेहाए णं भन्ते ! जीवे कि जणयइ ?
अणुप्पेहाए णं आउयवज्जाओ सत्तकम्मप्पगडीओ धणियवन्धणवद्धाओ सिढिलवन्धणवद्धाओ पकरेइ । दोहकालट्ठिइयाओ हस्सकालट्ठिइयाओ पकरेइ। तिव्वाणुभावाओ मन्दाणुभावाओ पकरेइ वहुपएसग्गाओ अप्पपएसग्गाओ पकरेइ । आउयं च णं कम्मं सिय वन्धइ सिय नो वन्धइ । असायावेयणिज्जं च णं कम्मं नो भुज्जो उवचिणाइ अणाइयं च णं अणवदग्गं दीहमद्ध चाउरन्तं संसारकन्तारं खिप्पामेव वीइवयइ। सू० २४–धम्मकहाए णं भन्ते ! जीवे कि जणयइ ?
धम्मकहाए णं निज्जरं जणयइ । धम्मकहाए णं पवयणं पभावेइ । पवयणपभावेणं जीवे आगमिसस्स भत्ताए कम्मं निवन्धइ।
