________________
२१०
उत्तरज्झयणं जोणियमणस्सदेवदोग्गईओ निरुम्भइ। वण्णसंजलणभत्तिवहुमाणयाए मणस्सदेवसोग्गईओ निवन्धइ सिद्धि सोग्गइंच विसोहेइ। पसत्थाइंच णं विणयमूलाई सबकज्जाई सोहेइ। अन्ने य वहवे जीवे विणइत्ता भवई॥ सू०६-आलोयणाए णं भन्ते ! जीवे कि जणयइ ?
आलोयणाए णं मायानियाणमिच्छादसणसल्लाणं मोवखमग्गविग्घाणं अणन्तसंसारवद्धणाणं उद्धरणं करेइ । उज्जुभावं च जणयइ । उज्जुभावपडिवन्ने य णं जीवे अमाई इत्थीवेयनपुंसगवेयं च न वन्धइ । पुव्ववद्धं च णं निज्जरेइ ॥ सू०७-निन्दणयाए णं भन्ते ! जीवे कि जणयइ ?
निन्दणयाए णं पच्छाणुतावं जणयइ। पच्छाणुतावेणं विरज्जमाणे करणगुणसेटिं पडिवज्जइ । करणगुणसेटिं पडिवन्ने य णं अणगारे मोहणिज्ज कम्मं उग्धाएइ ॥ सू० ८-गरहणयाए णं भन्ते ! जीवे किं जणयइ ?
गरहणयाए णं अपुरक्कारं जणयइ । अपुरककारगए णं जीवे अप्पसत्थेहितो जोगेहितो नियत्तेइ पसत्थजोगपडिवन्ने य णं अणगारे अणन्तघाइपज्जवे खवेइ ।। सू०६-सामाइएणं भन्ते ! जीवे कि जणयइ ?
सामाइएणं सावज्जजोगविरई जणयइ ।। सू० १०-चउव्वीसत्थएणं भन्ते ! जीवे किं जणयइ ?
चउव्वीसत्थएणं दंसणविसोहिं जणयइ ।। सू० ११–वन्दणएणं भन्ते ! जीवे किं जणयइ ?
वन्दणएणं नीयागोयं कम्म खवेइ। उच्चागोयं निवन्धइ। सोहग्गं च णं सप्पडिहयं आणाफलं निव्वत्तेइ दाहिणभावं च णं जणयइ ।।
