________________
दसवेलियं
१२
से भिक्खू वा भिक्खुणी वा संजयविरयपडियपच्च क्खायपावकम्मे दिया वा राओ वा एगओ वा परिसागओ वा सुत्ते वा जागरमाणे वा - से वीएसु वा वीयपइट्ठिएसु वा रूढेसु वा रूढपइट्ठिएसु वा जाएसु वा जायपइट्ठिएसु वा हरिएसु वा हरियपइटिएस वा छिन्नेसु वा छिन्नपइट्ठिएसु वा सच्चित्तेसु वा सच्चित्तकोल पडिनिस्सिएसु वा, न गच्छेज्जा न चिट्ठेज्जा न निसीएज्जा न तुयट्टेज्जा अन्न न गच्छावेज्जा न चिट्ठावेज्जा न निसीयावेज्जा न तुयट्टावेज्जा अन्न गच्छंतं वा चिट्ठतं वा निसीयतं वा तुयट्टंतं वा न समणुजाणेज्जा जावज्जीवाए तिविहं तिविहेणं मणेणं वायाए कारणं न करेमि न कारवेम करतं पि अन्नं न समणुजाणामि । तस्स भंते! पडिक्कमामि निदामि गरिहामि अप्पाणं वोसिरामि ॥ सू० २२ ॥
सेभिक्खू वा भिक्खुणी वा संजयविरयपडियपच्चक्खायपावकम्मे दिया वा राओ वा एगओ वा परिसागओ वा सुत्ते वा जागरमाणे वा-से कोडं वा पयंगं वा कुथु वा पिवीलियं वा हाथंसि वा पायंसि वा वाहुंसि वा ऊरुंसि वा उदरंसि वा सीसंसि वा वत्यंसि वा पडिग्गहंसि वा कंवलगंसि वा पायपुच्छगंसि वा रयहरणंसि वा गोच्छगंसि वा उडगंसि वा दंडगंसि वा पोढगंसि वा फलगंसि वा सेज्जंसि वा संथारगंसि वा अन्नयरंसि वा तहप्पगारे उवगरणजाए तओ संजयामेव पडिलेंहिय पडिलेहिय पमज्जिय पमज्जिय एगंतमवणेज्जा नो णं संघायमा-, वज्जेज्जा ॥ सू० २३॥
