________________
१५८
उत्तरज्झयणं. जहा तुलाए तोले दुक्करं मन्दरो गिरी। तहा निहुय नीसंकं दुक्करं समणत्तणं ॥ ४२ ।।. जहा भुयाहि तरिउं दुक्करं रयणागरो । तहा अणुवसन्तेणं दुक्करं दमसागरो ।।४३ ।। भुज माणुस्सए भोगे पंचलक्खणए तुमं । भुत्तभोगी तो जाया! पच्छा धम्म चरिस्ससि ॥४४॥
तं वित ऽम्मापियरो एवमेयं जहा फुडं। इह लोए निप्पिवासस्स नत्थि किचि वि दुक्करं।। ४५।। सारीरमाणसा चेव वेयणाओ अणन्तसो । मए सोढाओ भीमाओ असई दुक्खभयाणि य ।। ४६ ।।। जरामरणकन्तारे चाउरन्ते भयागरे । मए सोढाणि भीमाणि जम्माणि मरणाणि य ।। ४७ ॥ जहा इहं अगणी उण्हो एत्तोऽणन्तगुणे तहि।। नरएसु वेयणा उण्हा अस्साया वेइया मए ॥ ४८।।
जहा इमं इहं सीयं एत्तोऽणन्तगुणं तहिं ।।। नरएस वेयणा सीया अस्साया वेइया मए । ४६ ।। .
कन्दन्तो कंदुकुम्भोस उड्ढपाओ अहोसिरो। हुयासणे जलन्तम्मि पक्कपुवो अणन्तसो ।। ५० ।। महादवग्गिसंकासे मरुम्मि वइरवालुए । कलम्ववालुयाए य दड्ढपुन्चो अणन्तसो ॥ ५१ ।। रसन्तो कंदुकुम्भीसु उड्ढं वद्धो अवन्धवो। करवत्तकरकयाईहिं छिन्नपुवो अणन्तसो ।। ५२ ।।
