________________
__१०८
उत्तरज्झयणं
दसमं अज्झयणं
दुमपत्तयं दुमपत्तए पंडुयए जहा
निवडइ राइगणाण अच्चए। एवं मणुयाण जीवियं
समयं गोयम ! मा पमायए ॥ १ ॥ कुसग्गे जह ओसविन्दुए थोवं चिट्टइ लम्वमाणए। एवं मणुयाण जीवियं समयं गोयम ! मा पमायए ॥ २ ॥ इइ इत्तरियम्मि आउए
जीवियए वहुपच्चवायए । विहुणाहि रयं पुरे कडं
समयं गोयम ! मा पमायए ॥ ३ ॥ दुलहे खलु माणुसे भवे
चिरकालेण वि सव्वपाणिणं । गाढा य विवाग कम्मुणो
समयं गोयम ! मा पमायए ॥ ४ ॥ पूढविक्कायमइगओ उक्कोसं जीवो उ संवसे। कालं संखाईयं समयं गोयम ! मा पमायए ॥ ५ ॥ आउक्कायमइगओ उक्कोसं जीवो उ संवसे । कालं संखाईयं समयं गोयम ! मा पमायए ॥ ६ ॥ तेउक्कायमइगो उक्कोसं जीवो उ संवसे । कालं संखाईयं समयं गोयम ! मा पमायए ॥ ७ ॥
