________________
उत्तरज्झयणं
पंचमं अज्झयणं
अकाममरणिज्ज
अण्णवंसि महोहंसि एगे तिण्णे दुरुत्तरं। . तत्थ एगे महापन्ने इमं पण्हमुदाहरे ।। १ ।। .
सन्तिमे य दुवे ठाणा अक्खाया मारणन्तिया। अकाममरणं व सकाममरणं तहा ॥ २ ॥
वालाणं अकामं तु मरणं असई भवे । पण्डियाणं सकामं तु उक्कोसेण सई भवे ।। ३ ।। तत्थिमं पढमं ठाणं महावीरेण देसियं । कामगिद्धे जहा वाले भिसं कूराई कुव्वई ।। ४ ।।
जे गिद्धे कामभोगेसु एगे कूडाय गच्छई। न मे दिट्ठ परे लोए चवखुदिट्ठा इमा रई ।। ५ ।।
हत्थागया इमे कामा कालिया जे अणागया । को जाणइ परे लोए अत्थि वा नत्थि वा पुणो ? ।। ६ ।। जणेण सद्धि होक्खामि इइ वाले पगभई । कामभोगाणुराएणं केसं संपडिवज्जई ।। ७ ॥ . तओ से दण्डं समारभई तसेसु थावरेसु य । अट्ठाए य अणट्ठाए भूयग्गामं विहिंसई ।। ८ ।। हिंसे वाले मुसावाई माइल्ले पिसुणे सढे । भुजमाणे सुरं मंस सेयमेयं ति मन्नई ॥६॥ .
