________________
३२
दशवकालिक सूत्र अ ५
तया जोगे निलंभित्ता, सेलेसिं पडिवज्जइ ।२३। जया जोगे निरुभित्ता, सेलेसि पडिवज्जइ । तया कम्म खवित्ताण, सिद्धि गच्छइ नीरो ।२४। जया कम्म खवित्ताण, सिद्धि गच्छइ नीरो । तया लोगमत्थयत्थो, सिद्धो हवइ सासयो ।२५। सुह-सायगस्स समणस्म, सायाउलगस्स निगामसाइम्स । उच्छोलणा पहोयस्स, दुल्लहा सुगइ तारिसगस्स ।२६। तवो-गण-पहाणस्स, उज्जुमइ-खति-सजमरयस्स । परीसहे जिणंतस्स, सुल्लहा सुगई तारिसगस्स ।२७। पच्छा वि ते पयाया, खिप्प गच्छति अमर-भवणाई।
जेसि पियो तवो संजमो य, खति य बंभचेर च ।२८। इच्चेयं छज्जीवणियं, सम्मद्दिट्ठी सया जए । दुल्लह लहित्त सामण्ण, कम्मणा न विराहिज्जासि ।२६त्ति वेमि ।। इति छज्जीवणिया णाम चउत्थ अज्झयण सम्मत्त ।४।
॥पिडेसणा णामं पंचमज्झयणं ॥५॥ संपत्ते भिक्ख-कालम्मि, असभंतो अमुच्छियो। इमेण कम्म-जोगेण, भत्त-पाण गवेसए ।१। से गामे वा नयरे वा, गोयरग्गगो मुणी । चरे मंदमणु विग्गो, अवदिखत्तेण चेयसा ।२ पुरो जुगमायाए, पेहमाणो मही चरे। वज्जतो वीयहरियाई, पाणे य दगमट्टियं ।३। प्रोवायं विसम खाणु विज्जलं परिवज्जए । संकमेण न गच्छेज्जा, विज्जमाणे परक्कमे ।४।
