________________
१९८
85
उत्तराध्ययन सूत्र अ ३२
DCS
पावसुयप्प संगेसु, मोहठाणेसु चेव य । जे भिक्खू जयई निच्चं, से न अच्छइ मडले |१६| सिद्धाइगुणजोगे, तेत्तीसासायणासु य । जे भिक्खू जयई निच्च, से न अच्छइ मडले | २० | इय एएसु ठाणेसु, जे भिक्खू जयई सया | खिप्पं सो सव्वससारा, विप्पमुच्चइ पडियो |२१| ॥ चरणविहीं अज्झयण सम्मत्तं ॥३१॥
॥ पमायट्ठाणं बत्तीसइमं ज्झणं ||३२|| अच्चतकालस्स समूलगस्स, सव्वस्स दुक्खस्स उ जो पमोक्खो । तं भासो मे पडिपुण्णचित्ता, सुणेह एगंतहियं हियत्यं |१| नाणस्स सव्वस्स पगासणाए, अन्नाणमोहस्स विवज्जगाए । रागस्स दोसस्स य संखएण, एगंतसोक्ख समुवेइ मोक्खं |२| तस्सेस मग्गो गुरुविद्धसेवा, विवज्जणा बालजणस्स दूरा | सज्झाय एगत- निसेवणा य, सुत्तत्थसचितणया धिई य |३| श्राहारमिच्छे मियमेसणिज्ज, सहायमिच्छे निउणत्यबुद्धि । निकेयमिच्छेज्ज विवेगजोगं, समाहिकामे समणे तवस्सी |४| न वा लभेज्जा निउण सहायं, गुणाहियं वा गुणश्रो समं वा । एगोवि पावाइ विवज्जयतो, विहरेज्ज कामेसु प्रसज्जमाणो | ५ | जहा य अंडप्पभवा वलागा, अंड वलागप्पभव जहा य । एमेव मोहाययणं खु तण्हा, मोह च तण्हाययण वयति |६| रागो य दोसोऽवि य कम्मबीय, कम्मं च मोहप्पभव वयति । कम्मं च जाइमरणस्स मूल, दुक्खं च जाईमरणं वयति |७|
