________________
१४८
उत्तराध्ययन सूत्र अ २०
कुररी विवा भोग-रसाणुगिद्धा, निरसोया परियावमेइ ।५०। सोच्चाण मेहावि सुभासियं इम, अणुसासणं नाणगुणोववेयं । मग्गं कुसीलाण जहाय सव्वं, महानियंठाण वए पहेणं ।५१ चरित्त-मायार-गुणन्निए तो, अणुत्तरं सजम पालियाणं । निरासवे संखवियाण कम्मं, उवेइ ठाण विउलुत्तमं ध्रुवं ।५२। एवुग्गदतेऽवि महातवोधणे, महामुणी महापइन्ने महायसे । महानियण्ठिज्जमिण महासुय, से काहए महयावित्थरेणं ।५३। तुट्ठो य सेणियो राया, इणमुदाहु कयजलो। । प्रणाहत्तं जहाभूयं, सुठ्ठ मे उवदसियं ।५४। तुझं सुलद्धं खु मणुस्सजम्म, लाभा सुलद्धा य तुमे महेसी । तुम्भे सणाहा य सबंधवा य, ज भे ठिया मग्गे जिणुत्तमाणं ।५५। त सि नाहो अणाहाण, सव्वभूयाण सजया । खामेमि ते महाभाग, इच्छामि अणुसासिउं ।५६। पुच्छिऊण मए तुभं, झाणविग्घो य जो को। निमंतिया य भोगेहि, त सव्वं मरिसेहि मे ।५७। एवं थुणित्ताण स रायसीहो. अणगारसीहं परमाइ भत्तीए । समोरोहो सपरियणो सबधवो. धम्माणुरत्तो विमलेण चेयसा ।। ऊम-सिय-रोम-कवी, काऊण य पयाहिण । अभिवदिऊण सिरसा अइयाओ नराहिवो ।५६। इयरोऽवि गुणसमिद्धो, तिगुत्तिगुत्तो तिदण्डविरो य । विहग इव विप्पमुक्को, विहरइ वमुहं विगयमोहो ।६०।
॥ महानिय ठिज्ज वीसइम अज्झयण समत्तं ॥२०॥
