________________
उत्तराध्ययन सूत्र अ ७
दुहनो गई बालस्स, आवई वहमूलिया। देवत्त माणुसत्तं च, ज जिए लोलयासढे ।१७। तो जिए सई होइ, दुविहं दोग्गइं गए । दुल्लहा तस्स उम्मग्गा, अद्धाए, सुचिरादवि ॥१८॥ एवं जिय सपेहाए, तुल्लिया वाल च पण्डियं । मूलिय ते पवेसति, माणुस्सं जोणिमेति जे ।१६। वेमायाहिं सिक्खाहिं, जे नरा गिहि-सुव्वया । उवेति माणुस जोणि, कम्मसच्चा हु पाणिणों ।२०। जेसि तु विउला सिक्खा, मूलियं ते अइच्छिया । सीलवता सविसेसा, अदीणा जंति देवयं ॥२१॥ एवमद्दीणवं भिक्खू, अगारिं च वियाणिया । कहण्णु जिच्च मेलिक्खं, जिच्चमाणे न सविदे ।२२॥ जहा कुसग्गे उदगं, समुद्देण सम मिणे । एवं माणुसग्गा कामा, देव-कामाण अंतिए ।२३। कुसग्गमेत्ता इमे कामा, सन्निरुद्धम्मि पाउए । कस्स हेउं पुराकाउं, जोगक्खेमं न संविदे 1२४। इह कामाणियट्टस्स, अत्तठे अवरज्झई । सोच्चा नेयाउयं मग्गं, जं भज्जो परिभस्सई २५॥ इह कामाणियट्टस्स, प्रत्तठे नावरज्झई । पूइदेहनिरोहेणं, भवे देवेत्ति मे सुयं ।२६। इड्ढी जुई जसो वण्णो, आउं सुहमणुत्तरं । भुज्जो जत्थ मणुस्सेसु, तत्थ से उवज्जई ।२७। बालस्स पस्स बालतं, अहम्मं पडिवज्जिया।
