________________
४०.१०१]
४३ गोपा। शूराणि वीराण्यथ रूपवन्ति
पञ्चाभवन् पुत्रशतानि तस्य । सर्वाङ्गसंपूर्णविशुद्धकाया
न्यनुत्तमश्रीप्रतिमण्डितानि ॥ ९४ ॥ राजा सपुत्रः सुगते प्रसन्नः
पूजामकार्षीद्विपुलां जिनस्य । नित्यं च सद्धर्मपरिग्रहोऽसौ __ धर्माभियुक्तोऽभवदप्रकम्प्यः ॥ ९५॥ सुरश्मिनामा च नृपस्य तस्य
विशुद्धसत्त्वोऽयमभूत्कुमारः। सुदर्शनीयश्च मनोज्ञरूपः
त्रिंशद्वरालंकृतलक्षणाङ्गः ॥ ९६ ॥ राज्यं परित्यज्य नृणां स पञ्च___ कोटीवृतः प्रव्रजितस्तदानीम् । स प्रत्रजित्वा दृढवीर्ययुक्तः
संधारयामास जिनस्य धर्मम् ॥ ९७ ॥ द्रुमावती नाम पुरी वृताभूत्
कोटीसहानगरोत्तमानाम् । आसीद्वनं तत्र विचित्रशाखं
प्रशान्तनिर्घोषमनुत्तरश्रियम् ॥ ९८॥ यतः सुरश्मिर्विजहार तस्मिन्
विशारदो धीप्रतिभानशुद्धः । स द्योतयामास जिनस्य धर्म
संक्लिष्टसत्त्वौघविशोधनाय ॥ ९९ ॥ पिण्डाय धीमान् स पुरं विवेश
प्रासादिकेर्यापथशान्तवेषः । अनुत्क्षिप्तचक्षुः स्मृतिमान् प्रजानन्
गम्भीरचेष्टः स्थिरधीरगामी ॥ १०० ॥ नन्दीध्वजोऽभूत्वरः पुराणां
श्रेष्ठी तदानीं सुविधुष्टकीर्तिः । तस्याहमासं दुहिता मनापा।
भानुप्रभा नाम सुचारुरूपा ।। १०१॥
