________________
४२६-४३७ ]
चित्रसेनपद्मावतीचरित्रम्
[४६
-
आक्रन्दनानुसारेण गतो यावत्कियद्भवम् । तावत्तरारधोभागेपश्यत् कमपि पूरुषम् ॥४२६॥ बद्धं निगडबन्धेन । कीलितं लोहकीलकैः । दिव्यरूपधरं दिव्यवेषालङ्कारसुन्दरम् ॥४३०॥ चित्रसेननराधीशः पप्रच्छेति नरं प्रति । कस्त्वं कस्य सुतः काख्यावस्था ते कथमीदृशी ।।४३१।। ततः स पुरुषः प्राह पीडया पीडितोपि सन् । ममाश्चर्यकरी वातौ शृणु वीरशिरोमणे ॥४३२।। बन्धनाच्छोटय त्वं मां कीलकांश्च निराकुरु । कथयामि स्ववृत्तान्तं निःशल्यः सन् भवत्पुरः॥४३३॥ तथा कृते नरः प्राह वैताढ्याभिधपर्वते । उत्तरश्रेणिशृङ्गारं नाना हेमपुरं पुरम् ॥४३४॥ तत्रास्ति विश्वविख्यातो विद्याधरशिरोमणिः । दानादिगुणसम्पूर्णो राजा हेमरथाभिधः ॥४३५ । तत्प्रिया हेममालास्ति हेममालेव निर्मला । तत्कुक्षिसम्भवो नाना हेममालीत्यहं सुतः ॥४३६॥ हेमचूलाप्रियायुक्तः स्थितः सुन्दरमन्दिरे । सारसंसारसौख्यानि विलसामि यथारुचि ॥४३७॥
1 A पुरु०।
