________________
पादाणुसारि-वरकुट्टबुद्धि, उप्पण्णु जाह आयासरिद्धि ! जे पाणाहारी तोरणीय, जे रुक्ख-मूल आतावणीय ॥३॥ जे मोणिधाय चन्दाहणीय, जे जत्थत्थ वणि णिवासणीय । जे पंच-महव्यय धरणधीर,जे समिदि-गुत्ति पालणहि वीर ॥४॥ जे वड्वहि देह विरत्तचित्त. जे राय-रोस-भय-मोह-चित्त । जे कुगहि संवरु विगयलोह, जे दुरियविणासणकामकोह ॥शा जे जल्ल मल्लतणगत्तलित्त, आरंभ-परिग्गह जे विरत्त । जे तिण्णकाल बाहर गमंति, छहम-दसमउ तउचरंति।। ६॥ जे उकगास दुइगास लिंति, जे णीरस-भोयण रइ करंति । ते मुणिवर वंदउंठियमसाण. जे कम्म डहइ वर सुक्कझाण।।७।। बारहविह संजम जे धगति, जे चारिउ विकहा परिहरंति । चावीस परीपह जे सहति, संसार-महण्णउ ते तरंति ॥८॥ जे धम्मबुद्धि महियलि धुणंति, जे काउस्सग्गे णिसिगमंति। जे मिद्धि-विलासणि अहिलसंति,जे पक्व-मास आहार लिति।।।। गोहण जे वीगसणीय, जे धणुह-सेज-बजासणीय । जे तव-बलेण आयास जंति,जे गिरि-गुह-कंदर-विवर थति॥१०॥ जे सत्त-मित्त ममभाव चित्त, ते मुणिवर चंदउ दिढ-चरित। चउवीसह गंथह जे विरत्त, ते मुणिवर चंदउ जग-पवित्त ॥११॥ जे सुज्झाणिज्झा एकचित्त, वंदामि महारिसि मोक्खपत्त । रयण-त्तय-रंजिय सुद्ध-भाव, ते मुणिवर वंदउ ठिदि-सहाव ॥१२॥
न घत्ता जे तप-सरा संजम-धीरा सिद्ध-वधू अणुराईया। रयण-त्तय-रंजिय कम्मह-गंजिय ते ऋसिवर मय झाईया॥१३॥ [ॐ ह्रीं सम्यग्दर्शनशानचारित्रादिगुणविराजमानाचार्यो
पाध्यायसर्वसाधुभ्यो महाधैं निर्वपामीति स्वाहा ।]
५६
