________________
३१२
श्री जैन पूजा-पाठसंग्रह।
तुम ना पिलान्या आन मान्या देव विविध प्रकारजी । या बुद्धिसेती निज न जाण्या भ्रम गिण्या हितकारजी ।। भव विकट वनमें करम बैरी, ज्ञान धन मेरो हस्यो। तब इष्ट भूल्यो भ्रष्ट होय, अनिष्ट गति धरतो फिस्यो । धन घड़ी यो धन दिवस यो ही धन जनम मेरो भयो । अब भाग मेरो उदय आयो, दरश प्रभुको लखि लयो। छवि वीतरागी नगन मुद्रा दृष्टि नाशा पै धरै । वसु प्रातिहायं अनंत गुण जुत कोटि रवि छविको हरै ।। मिट गयो तिमिर मिथ्यात मेगे, उदय रवि आतम भयो । मो उर हरष ऐसो भयो, मनुरंक चिन्तामणि लयो। मैं हाथ जोड़ नमाय मस्तक बीनऊं तुव चरनजी । सर्वोत्कृष्ट त्रिलोकपति जिन, सुनहु तारन तरनजी ।। जाचं नहीं सुरवास पुनि नरराज परिजन साथजी । 'बुध' जाचहूं तुव भक्ति भव, दीजिये शिवनाथजी ।।
पं० भूधरकृत स्तुति अहो! जगतगुरु एक, सुनियो अरज हमारी । तुम हो दीनदयालु, मैं दुखिया संसारी ।। इस भव बनमें वादि, काल अनादि गमायो । भ्रमत चहूँगति माहि, सुख नहिं दुख बहु पायो॥
