Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 63

३८
( २.२.१६८ - १६८)
हलिद्दाभानम्पि पुरिमे उपादाय परिसुद्धभावप्पत्तितो । “ एव"न्तिआदिना तस्स छन्दागमनं दस्सेति । नन्दादीनं सावकभूता पब्बजिता आजीवका । तथा आजीवकिनियो । नन्दादयो किर तथारूपं आजीवकपटिपत्तिं उक्कंसं पापेत्वा ठिता, तस्मा निगण्ठेहि आजीवकसावकेहि पब्बजितेहि पण्डरतरा वुत्ता परमसुक्काभिजातीति अयं तस्सद्धि ।
दीघनिकाये सीलक्खन्धवग्गअभिनवटीका-२
पुरिसभूमियोति पधाननिद्देसो । इत्थीनम्पि हेता भूमियो एस इच्छतेव । सत्त दिवसेति अच्चन्तसञ्ञगवचनं, एत्तकम्पि मन्दा मोमूहाति । सम्बाधट्ठानतोति मातुकुच्छिं सन्धायाह । रोदन्ति चेव विरवन्ति च तमनुस्सरित्वा । खेदनं, कीळनञ्च खिड्डासद्देनेव सङ्ग्रहेत्वा खिड्डाभूमि वृत्ता । पदस्स निक्खिपनं पदनिक्खिपनं । यदा तथा पदं निक्खिपितुं समत्थो, तदा पदवीमंसभूमि नामाति भावो । वतावतस्स जाननकाले । भिक्खु च पन्नोति आदिपि तेसं बाहिरकानं पाळियेव । तत्थ पन्नकोति भिक्खाय विचरणको, तेसं वा पटिपत्तिया पटिपन्नको । जिनोति जिणो जरावसेन हीनधातुको अत्तनो वा पटिपत्तिया परिपक्खं जिनित्वा ठितो । सो किर तथाभूतो धम्मम्पि कस्सचि न कथेसि । तेनाह " न किञ्चि आहा’'ति । ओट्ठवदनादिविप्पकारे कतेपि खमनवसेन न किञ्चि कथेतीतिपि वदन्ति । अलाभिन्ति “सो न कुम्भिमुखा पटिग्गण्हाती 'ति आदिना नयेन महासीहनादसुत्ते ( दी० नि० १.३९४; म० नि० १.१५५) वुत्तअलाभहेतुसमायोगेन अलाभि । ततोयेव जिघच्छादुब्बलपरेतताय सयनपरायनट्ठेन समणं पन्नभूमीति वदति ।
सत्तानमाजीवभूतानि
आजीववुत्सितानीति जीविकावृत्तिसतानि । “परिब्बाजकसतानी" ति वुच्चमानेपि चेस सभावलिङ्गमजानन्तो “परिब्बाजकसते" त वदति। एवमञ्ञेसुपि। तेनाह “परिब्बाजकपब्बज्जासतानी "ति । नागभवनं नागमण्डलं यथा “महिंसकमण्डल’”न्ति। परमाणुआदि रजो । पसुग्गहणेन एळकजाति गहिता । मिगग्गहणेन रुरुगवयादि मिगजाति । गण्ठम्हीति फळुम्हि, पब्बेति अत्थो । चातुमहाराजिकादिब्रह्मकायिकादिवसेन, तेसञ्च अन्तरभेदवसेन बहू देवा । तत्थ चातुमहाराजिकानं एकच्चअन्तरभेदो महासमयसुत्तेन ( दी० नि० २.३३१) दीपेतब्बो । “सो पना ''तिआदिना अजानन्तो पनेस बहू देवेपि सत्त एव वदतीति तस्स अप्पमाणतं दस्सेति । मनुस्सापि अनन्ताति दीपदेसकुलवंसाजीवादिविभागवसेन । पिसाचा एव पेसाचा, अपरपेतादिवसेन महन्तमहन्ता, बहुतराति अत्थो । बाहिरक “छद्दन्तदहमन्दाकिनियो कुवाळियमुचलिन्दनामेन वोहरिता' 'ति (दी० नि० टी० १.१६८) आचरियेन वुत्तं ।
पन
38