________________
१३. तेविज्जसुत्तवण्णना
५१८. एवं लोहिच्चसुत्तं संवण्णेत्वा इदानि तेविज्जसुत्तं संवण्णेन्तो यथानुपुब्बं संवण्णनोकासस्स पत्तभावं विभावेतुं, लोहिच्चसुत्तस्सानन्तरं सङ्गीतस्स सुत्तस्स तेविज्जसुत्तभावं वा पकासेतुं “एवं मे सुतं...पे०... कोसलेसूति तेविज्जसुत्त"न्ति आह । नामन्ति नाममत्तं । दिसावाचीसद्दतो पयुज्जमानो एनसद्दो अदुरत्थे इच्छितो, तप्पयोगेन च पञ्चमियत्थे सामिवचनं, तस्मा “उत्तरेना"ति पदेन अदूरत्थजोतनं, पञ्चमियत्थे च सामिवचनं दस्सेतुं “मनसाकटतो अविदूरे उत्तरपस्से"ति वुत्तं । “दिसावाचीसद्दतो पञ्चमीवचनस्स अदूरत्थजोतनतो अदूरत्थं दस्सेतुं एनसद्देन एवं वुत्त'न्ति केचि, सत्तमियत्थे चेतं ततियावचनं “पुब्बेन गामं रमणीय"न्तिआदीसु विय । “अक्खरचिन्तका पन एन-सहयोगे अवधिवाचिनि पदे उपयोगवचनं इच्छन्ति, अत्थो पन सामिवसेनेव इच्छितो, तस्मा इध सामिवचनवसेनेव वुत्त"न्ति (दी० नि० टी० १.५१८) अयं आचरियमति । तरुणअम्बरुक्खसण्डेति तरुणम्बरुक्खसमूहे । रुक्खसमुदायस्स हि वनसमा ।
५१९. कुलचारित्तादिसम्पत्तियाति एत्थ आदिसद्देन मन्तज्झेनाभिरूपतादिसम्पत्तिं सङ्गण्हाति । तत्थ तत्थाति तस्मिं तस्मिं देसे, कुले वा। ते निवासट्ठानेन विसेसेन्तो "तत्था"तिआदिमाह। मन्तसज्झायकरणथन्ति आथब्बणमन्तानं सज्झायकरणत्थं । तेन वुत्तं "अक्षेसं बहूनं पवेसनं निवारेत्वा''ति । नदीतीरेति अचिरवतिया नदिया तीरे ।
मग्गामग्गकथावण्णना
५२०. जवचारन्ति चङ्कमेन, इतो चितो च विचरणं । सो हि जवासु किलमथविनोदनत्थं चरणतो “जङ्घविहारो, जवचारो"ति च वुत्तो। तेनाह पाळियं "अनुचङ्कमन्तानं अनुविचरन्तान''न्ति । चुण्णमत्तिकादि न्हानीयसम्भारो। तेन वुत्तन्ति
374
Jain Education International
For Private & Personal Use Only
www.jainelibrary.org
