________________
१०. सुभत्तवण्णना
सुभमाणवकवत्थुवण्णना ४४४. एवं पोट्ठपादसुत्तं संवण्णेत्वा इदानि सुभसुत्तं संवण्णेन्तो यथानुपुब्बं संवण्णनोकासस्स पत्तभावं विभावेतुं, पोट्टपादसुत्तस्सानन्तरं सङ्गीतस्स सुत्तस्स सुभसुत्तभावं वा पकासेतुं "एवं मे सुतं...पे०... सावत्थियन्ति सुभसुत्त"न्ति आह । अनुनासिकलोपेन “अचिर परिनिब्बते''ति वुत्तन्ति दस्सेति “अचिरं परिनिब्बुते"ति इमिना यथा पोट्ठपादसुत्ते “अप्पाटिहीरक तं भासितं सम्पज्जती"ति, अचिरं परिनिब्बुतस्स अस्साति वा अचिरपरिनिब्बुतो यथा “अचिरपक्कन्तो, मासजातो"ति । अत्थमत्तं पन दस्सेतुं एवं वुत्तं । अचिरपरिनिब्बुतेति च सत्थु परिनिब्बुतभावस्स चिरकालतापटिक्खेपेन आसन्नतामत्तं दस्सितं, कालपरिच्छेदो पन न दस्सितोति तं दस्सेन्तो "परिनिब्बानतो"तिआदिमाह । विसाखपुण्णमितो उद्धं याव जेट्टपुण्णमी, ताव कालं सन्धाय "मासमत्ते"ति वुत्तं । मत्तसद्देन पन तस्स कालस्स किञ्चि असम्पुण्णतं जोतेति । तुदिसञितो गामो निवासो एतस्साति तोदेय्यो। तं पनेस यस्मा सोणदण्डो (दी० नि० १.३००) विय चम्पं, कूटदन्तो (दी० नि० १.३२३) विय च खाणुमतं अज्झावसति, तस्मा वुत्तं "तस्स अधिपतित्ता"ति, इस्सरभावतोति अत्थो। अयम्पि हि रञो पसेनदिकोसलस्स पुरोहितब्राह्मणो । पुत्तम्पि आहाति सुभं माणवम्पि ओवदन्तो आह ।
अञ्जनानन्ति अक्खिअञ्जनत्थाय घंसितअञ्जनानं । वम्मिकानन्ति किमिसमाहटवम्मिकानं सञ्चयं दिस्वाति सम्बन्धो। मधूनन्ति मक्खिकमधूनं । समाहारन्ति मकरन्दसन्निचयं । पण्डितो घरमावसेति यस्मा अप्पतरप्पतरेपि गव्हमाने भोगा खीयन्ति, अप्पतरप्पतरेपि च सञ्चियमाने वड्डन्ति, तस्मा यथावुत्तमुपमत्तयं पञ्जाय दिस्वा
354
Jain Education International
For Private & Personal Use Only
www.jainelibrary.org
