Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 344

(२.८.४०३-४०३)
सीहनादकथावण्णना
३१९
___ सीहनादं नदतीति “सेट्ठनादं अभीतनादं नदती"ति वुत्तोवायमत्थो। अथ वा सीहनादसदिसं नादं नदति । अयमत्थो खन्धवग्गसंयुत्ते आगतेन सीहनादसुत्तेन (सं० नि० २.३.७८) दीपेतब्बो। यथा वा सीहो मिगराजा परिस्सयानं सहनतो, गोणमहिं समत्तवारणादीनं हननतो च “सीहो''ति वुच्चति, एवं तथागतो मुनिराजा लोकधम्मानं सहनतो, परप्पवादानं हननतो च “सीहो"ति वुच्चति । एवं वुत्तस्स सीहस्स नादं नदति। तत्थ यथा मिगसीहो सीहबलेन समन्नागतो सब्बत्थ विसारदो विगतलोमहंसो सीहनादं नदति, एवं तथागतसीहो दसतथागतबलेन समन्नागतो अट्ठसु परिसासु विसारदो विगतलोमहंसो “इति रूप"न्तिआदिना (सं० नि० २.३.७८; अ० नि० ३.८.२) नयेन नानाविधदेसनाविलाससम्पन्नं सीहनादं नदति । तेन वुत्तं “परिसासु सीहनादं नदती"ति ।
पहं अभिसङ्घरित्वाति आतुमिच्छितं अत्थं अत्तनो प्राणबलानुरूपं अभिसङ्घरित्वा । तवणजेवाति पुच्छितक्खणेयेव ठानुप्पत्तिकपटिभानेन विस्सज्जेति। अज्झासयानुरूपं, अत्थधम्मानुरूपञ्च विस्सज्जनतो चित्तं परितोसेतियेव। अस्साति समणस्स गोतमस्स | सोतबं मञन्तीति अट्ठक्खणवज्जितेन नवमेन खणेन लब्भमानत्ता "यं नो सत्था सासति, तं मयं सोस्सामा"ति आदरभावजाता महन्तेनेव उस्साहेन सोतब्बं सम्पटिच्छितब्बं मञ्जति । कल्लचित्ता मुदुचित्ताति पसादाभिवुद्धिया विगतुपक्किलेसताय कल्लचित्ता मुदुचित्ता होन्ति । मुद्धप्पसनाति तुच्छप्पसन्ना निरत्थकप्पसन्ना । पसनाकारो नाम पसन्नेहि कातब्बसक्कारो, सो दुविधो धम्मामिसपूजावसेन, तत्थ आमिसपूजं दस्सेन्तो "पणीतानी"तिआदिमाह । धम्मपूजा पन पाळियमेव “तथत्ताय पटिपज्जन्ती"ति इमिना दस्सिता। तथाभावायाति यथाभावाय यस्स वट्टदुक्खनिस्सरणस्स अत्थाय धम्मो देसितो, तथाभावाय । तदेवत्थं दस्सेतुं "धम्मानुधम्मपटिपत्तिपूरणत्थाया"ति वुत्तं । धम्मानुधम्मपटिपत्ति हि वट्टदुक्खनिस्सरणपरियोसाना, सा च धम्मानुधम्मपटिपत्ति याय अनुपुब्बिया पटिपज्जितब्बा, पटिपज्जन्तानञ्च सति अज्झत्तिकङ्गसमवाये एकंसिका तस्सा पारिपूरीति तं अनुपुब्बिं दस्सेन्तो “केचि सरणेसू"तिआदिमाह। यथा पूरेन्ता पूरेतुं सक्कोति नाम, तथा पूरणं दस्सेतुं "सब्बाकारेन पन पूरेन्ती"ति वुत्तं ।
इममिं पनोकासेति “पटिपन्ना च आराधेन्तीति सीहनादकिच्चपारिपूरिट्ठपने पाळिपदेसे । समोधानेतब्बाति सङ्कलयितब्बा। एकच्चं...पे०... पस्सामीति भगवतो एको सीहनादो असाधारणो अझेहि अप्पटिवत्तियो सेट्ठनादो अभीतनादोति कत्वा । एस नयो सेसेसुपि । अपरं तपस्सिन्ति अधिकारो | पुरिमानं दसनन्ति “एकच्चं तपस्सिं निरये निब्बत्तं
319