Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 322

(२.६.३७६-७-३७६-७)
द्वेपब्बजितवत्थुवण्णना
२९७
सम्माआजीवं अट्ठमं कत्वा वुत्तं आदिब्रह्मचरियकसीलं । यहि सन्धाय वुत्तं "पुब्बेव खो पनस्स कायकम्मं वचीकम्मं आजीवो सुपरिसुद्धो होती''ति । तदुभयानन्तरन्ति दुच्चरितद्वयप्पहायकस्स सुचरितद्वयपारिपूरिहेतुभूतस्स सम्मावाचासम्माकम्मन्तद्वयस्स अनन्तरं । सुत्तपमत्तेनाति अप्पोस्सुक्कं सुत्तेन, पमत्तेन च । इदं वीरियन्ति चतुब्बिधं सम्मप्पधानवीरियं । कायादीसूति कायवेदनाचित्तधम्मसु । इन्द्रियसमतादयो समाधिस्स उपकारका । तबिधुरा धम्मा अनुपकारका । गतियोति निष्फत्तियो, किच्चादिसभावे वा। समन्वेसित्वाति उपधारेत्वा, हेतुम्हि चायं त्वापच्चयो।
द्वेपब्बजितवत्थुवण्णना ३७६-७. कस्मा आरद्धन्ति अनुसन्धिकारणं पुच्छित्वा तं विस्सज्जेतुं “अयं किरा"तिआदि वुत्तं तेन अज्झासयानुसन्धिवसेनायं उपरि देसना पवत्ताति दस्सेति । तेनाति तथालद्धिकत्ता । अस्साति लिच्छविरो। देसनायन्ति सण्हसुखुमाय सुझतपटिसञ्जुत्ताय यथादेसितदेसनाय । नाधिमुच्चतीति न सद्दहति न पसीदति । तन्तिधम्मं नाम कथेन्तोति येसं अत्थाय धम्मो कथीयति, तत्थ तेसं असतिपि मग्गपटिवेधे केवलं सासने पवेणीभूतं, परियत्तिभूतं वा तन्तिधम्मं कत्वा कथेन्तो, तेन तदा तेसं मग्गपटिवेधाभावं दस्सेति ।
रूपस्माति सम्मासम्बदत्ता अविपरीतदेसनताय एवंपाकटधम्मकायस्स सत्थनो। अस्साति पठमज्झानादिसमधिगमेन समाहितचित्तस्स कुलपुत्तस्स एतं "तं जीवन्तिआदिना उच्छेदादिगहणं अपि नु युत्तन्ति पुच्छति, लद्धिया पन झानाधिगममत्तेन न ताव विवेचितत्ता "युत्तमस्सेत"न्ति तेहि वुत्ते झानलाभिनोपेतं गहणं अयुत्तमेवाति तं उच्छेदवादं, सस्सतवादं वा “अहं खो...पे०... न वदामी''तिआदिना पटिक्खिपित्वाति साधिप्पायत्थो । एतन्ति पठमज्झानादिकं । एवन्ति यथावुत्तनयेन । अथ च पनाति एवं जाननतो, पस्सनतो च। कामं विपस्सकादिदस्सनम्पि पाळियं कतं, अरहत्तकूटेन पन देसना निट्ठापिताति दस्सेतुं "उत्तरि खीणासवं दस्सेत्वा"ति वुत्तं । ते हि द्वे पब्बजिता विपस्सकतो पट्ठाय “न कल्लं तस्सेतं वचनाया''ति अवोचुं । इमस्साति खीणासवस्स | किञ्चापि “अत्तमना अहेसु"न्ति पाळियं न वुत्तं, “न कल्ल'"न्तिआदिना पन विस्सज्जनावचनेनेव तेसं अत्तमनता वेदितब्बाति आह "ते ममा"तिआदि । तत्थ यस्मा खीणासवो विगतसम्मोहो तिण्णविचिकिच्छो, तस्मा तस्स तथा वत्तुमयुत्तन्ति उप्पन्ननिच्छयताय तं मम वचनं सुत्वा अत्तमना अहेसुन्ति अत्थो । सोपि खो लिच्छवि
297