________________
२३२
दीघनिकाये सीलक्खन्धवग्गअभिनवटीका-२
(२.३.२८०-२८०)
वत्तकरणवसेना"ति एवं वुत्तनयेन । अनेकसतसहस्ससंवरविनयसमादानवसेन उपसम्पन्नभावस्स विसिट्ठभावतो खीणासवसामणेरोपि पुथुज्जनभिक्खुनो परिचारकोति वुत्तो ।
“नवकोटिसहस्सानि, असीतिसतकोटियो । पञाससतसहस्सानि, छत्तिंस च पुनापरे ।
एते संवरविनया, सम्बुद्धेन पकासिता । पेय्यालमुखेन निद्दिवा, सिक्खा विनयसंवरे''ति ।। (विसुद्धि० १.२०; अप० अट्ठ० २.५५; पटि० म० अट्ठ० १.२.३७)
एवं वुत्तप्पभेदानं अनेकसतसहस्सानं संवरविनयानं समादाय सिक्खनेन उपरिभूता अग्गभूता सम्पदाति हि उपसम्पदा, ताय चेस उपसम्पदाय पुथुज्जनभिक्खु उपसम्पन्नोति ।
अयं पनाति यथावुत्तलक्खणो तापसो। तापसा हि कम्मवादिकिरियवादिनो, न सासनस्स पटाणीभूता, यतो नेसं पब्बजितुमागतानं विनाव तित्थियपरिवासेन खन्धके पब्बज्जा अनुज्ञाता। तपो एतेसमत्थीति तापसा त कारस्स दीर्घ कत्वा । "लोमसा'"तिआदीसु विय हि स-पच्चयमिच्छन्ति सद्दविदू । इदं वुत्तं होति - कामं खीणासवोपि सामणेरो पुथुज्जनस्स भिक्खुनो अत्थतो परिचारकोव होति, सो पन वत्तकरणमत्तेनेव परिचारको, न लामकभावेन । तापसो तु गुणवसेन चेव वेय्यावच्चकरणवसेन च लामकभावेनेव परिचारको, न वत्तकरणमत्तेन, एवमिमेसं नानाकरणं सन्धाय तापसस्सेव परिचारकता वुत्ताति ।
"कस्मा"तिआदिना चोदको कारणं चोदेति । “यस्मा"तिआदिना आचरियो कारणं दस्सेत्वा परिहरति । एवं सोपतो परिहरितमत्थं विवरितुं "इमस्मिही"तिआदि वुत्तं । असक्कोन्तन्ति असमत्थनेन विप्पटिपज्जन्तं अलज्जिं । खुरधारूपमन्ति खुरधारानं मत्थकेनेव अक्कमित्वा गमनूपमं । बहुजनसम्मताति महाजनेन सेट्ठसम्मता । अति अपरे भिक्खू । इधाति तापसपब्बज्जाय । छन्देन सह चरन्तीति सछन्दचारिनो, यथाकामं पटिपन्नकाति वुत्तं होति । अनुसिक्खन्तोति दिट्ठानुगतिया सिक्खन्तो | तापसाव बहुका होन्ति, न भिक्खू ।
कुदालपिटकानं निब्बचनं हेट्ठा वुत्तमेव । बहुजनकुहापनत्थन्ति बहुनो जनस्स
232
Jain Education International
For Private & Personal Use Only
www.jainelibrary.org
