Page Text
________________
(२.३.२५४-२५४)
अद्धानगमनवण्णना
१७७
पठमपाटिपददिवसेति इदं मज्झिमदेसवोहारवसेन मिगसिरमासस्स पठलं पाटिपददिवसं सन्धाय वुत्तं, एतरहि पवत्तवोहारवसेन पन पच्छिमकत्तिकमासस्स काळपक्खपाटिपददिवसो वेदितब्बो ।
अञ्जनपि कारणेनाति भिक्खूनं समथविपस्सनातरुणभावतो अजेनपि मज्झिममण्डले वेनेय्यानं आणपरिपाकादिकारणेन । चतुमासन्ति आसळहीपुण्णमिया पाटिपदतो याव पच्छिमकत्तिकपुण्णमी, ताव चतुमासं । “समन्ता योजनसत''न्तिआदिना वुत्तनयेनेव । वसनं वस्स, वसनकिरिया, वुत्थं वसितं वस्समस्साति वुत्थवस्सो, तस्स । तथागतेन विनेतब्बत्ता "भगवतो वेनेय्यसत्ता"ति सामिनिद्देसो वुत्तो, कत्तुनिद्देसो वा एस। वेनेय्यसत्ताति च चरितानुरूपं विनेतब्बसत्ता। इन्द्रियपरिपाकं आगमयमानोति सद्धादिइन्द्रियानं विमुत्तिपरिपाचनभावेन परिपक्कं पटिमानेन्तो । फुस्समाधफग्गुणचित्तमासानं अञतरमासस्स पठमदिवसे निक्खमनतो मासनियमो एत्थ न कतोति दट्ठब्बं । तेनाह “एकमासं वा द्वितिचतुमासं वा तत्थेव वसित्वा"ति। तत्थेवाति वस्सूपगमनट्ठाने एव । “सत्तहि वा"तिआदि “एकमासं वा''तिआदिना यथाक्कमं योजेतब्बं - यदि अपरम्प एकमासं तत्थेव वसति, सत्तहि मासेहि चारिकं परियोसापेति । यदि द्विमासं छहि, यदि तिमासं पञ्चहि, यदि चतुमासं तत्थेव वसति, चतूहि मासेहि चारिकं परियोसापेतीति । कस्मा पन चारिकागमनन्ति आसङ्कानिवत्तनत्थं "इती"तिआदि वुत्तं । अतिरेकं जरादुब्बलो बाळ्हजिण्णो। ते कदा पस्सिस्सन्ति, न पस्सिस्सन्ति एव । लोकानुकम्पकायाति लोकानुकम्पकाय एव । तेन वुत्तं "न चीवरादिहेतू''ति ।
जङ्घविहारवसेनाति जङ्घाहि विचरणवसेन, जङ्घाहि विचरित्वा तत्थ तत्थ कतिपाहं निवसनवसेन वा । सब्बिरियापथसाधारणहि विहारवचनं । सरीरफासुकत्थायाति एकस्मिंयेव ठाने निबद्धवासवसेन उस्सन्नधातुकस्स सरीरस्स विचरणेन फासुभावत्थाय । अट्ठप्पत्तिकालाभिकङ्घनत्थायाति अग्गिक्खन्धोपमसुत्त (अ० नि० २.७.७२) मघदेवजातकादि (जा० १.१.९) देसनानं विय धम्मदेसनाय अभिकवितब्बअट्ठप्पत्तिकालत्थाय, अट्ठप्पत्तिकालस्स वा अभिकङ्घनत्थाय, अटुप्पत्तिकाले धम्मदेसनत्थायाति वुत्तं होति । सिक्खापदपञापनत्थायाति सुरापानसिक्खापदादि (पाचि० ३२७, ३२८, ३२९) पञापने विय सिक्खापदानं पञापनत्थाय । बोधनत्थायाति अङ्गुलिमालादयो (म० नि० २.३४७) विय बोधनेय्यसत्ते चतुसच्चबोधनत्थाय । महताति महतिया। कञ्चि, कतिपये वा पुग्गले
177
Jain Education International
For Private & Personal Use Only
www.jainelibrary.org
| SR No. | 009986 |
| Book Title | Silakkhandhavagga Abhinava Tika Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 456 |
| Language | Sanskrit |
| Classification | Interfaith & Buddhism |
| File Size | 18 MB |