Silakkhandhavagga Abhinava Tika Part 2

SR No.: 009986
Original Sutra Author: N/A
Author: Vipassana Research Institute Igatpuri
Publisher: Vipassana Research Institute Igatpuri
Publication Year: 1998
Total Pages: 456
Language: Sanskrit
Classification: Interfaith & Buddhism
File Size: 18 MB

Page 144

(२.२.२२९-२२९)
दुतियज्झानकथावण्णना
११९
भावनपुंसकन्ति दस्सेति “सिञ्चित्वा सिञ्चित्वा"ति इमिना | फुससदो चेत्थ परिसिञ्चने यथा तं वातवुट्ठिसमये "देवो च थोकं थोकं फुसायती"ति, (पाचि० ३६२) तस्मा ततो ततो न्हानियचुण्णतो उपरि उदकेन ब्यापनकरणवसेन परिसिञ्चित्वा परिसिञ्चित्वाति अत्थो । अनुपसग्गोपि हि सद्दो सउपसग्गो विय पकरणाधिगतस्स अत्थस्स दीपको, “सिञ्चित्वा सिञ्चित्वाति पन वचनं “परिप्फोसकं परिप्फोसक"न्ति एतस्स “सन्देय्या'"ति एत्थ विसेसनभावविज्ञापनत्थं । एवमीदिसेसु । “सन्देय्या'ति एत्थ सन्द-सदो पिण्डकरणेति वुत्तं "पिण्डं करेय्या"ति । अनुगताति अनुपविसनवसेन गता उपगता। परिग्गहिताति परितो गहिता समन्ततो फुट्ठा।
अन्तरो च बाहिरो च पदेसो, तेहि सह पवत्ततीति सन्तरबाहिरा, न्हानियपिण्डि, "समन्तरबाहिरा"तिपि पाठो, म-कारो पदसन्धिवसेन आगमो। यथावुत्तेन परिग्गहितताकारणेनेव सन्तरबाहिरो न्हानियपिण्डि फुटा उदकस्नेहेनाति आह "सब्बत्थकमेव उदकसिनेहेन फुटा"ति | सब्बत्थ पवत्तनं सब्बत्थकं, भावनपुंसकञ्चेतं, सब्बपदेसे हुत्वा एव फुटाति अत्थो । “सन्तरबाहिरा फुटा''ति च इमिना न्हानियपिण्डिया सब्बसो उदकेन तेमितभावमाह, “न च पग्घरणीति पन इमिना तिन्तायपि ताय घनथद्धभावं । तेनाह "न च बिन्दु बिन्दु"न्तिआदि । उदकस्स फुसितं फुसितं, न च पग्घरणी सूदनीति अत्थो, "बिन्दु उदकं" तिपि कत्थचि पाठो, उदकसङ्घातं बिन्दुन्ति तस्सत्थो । बिन्दुसद्दो हि "ब्यालम्बम्बुधरबिन्दू''तिआदीसु विय धारावयवे । एवं पन अपग्घरणतो हत्थेनपि द्वीहिपि तीहिपि अङ्गुलेहि गहेतुं, ओवट्टिकाय वा कातुं सक्का । यदि हि सा पग्घरणी अस्स, एवं सति स्नेहविगमनेन सुक्खत्ता थद्धा हुत्वा तथा गहेतुं, कातुं वा न सक्काति वृत्तं होति | ओवट्टिकायाति परिवठ्ठलवसेन, गुळिकावसेन सा पिण्डि कातुं सक्काति अत्थो ।
दुतियज्झानकथावण्णना
२२९. ताहि ताहि उदकसिराहि उब्भिज्जति उद्धं निक्खमतीति उभिदं, तादिसं उदकं यस्साति उभिदोदको, द-कारस्स पन त-कारे कते उब्भितोदको, इममत्थं दस्सेतुं "उन्भिन्नउदको"ति वुत्तं, नदीतीरे खतकूपको विय उब्भिज्जनकउदकोति अत्थो । उब्भिज्जनकम्पि उदकं कत्थचि हेट्ठा उब्भिज्जित्वा धारावसेन उट्ठहित्वा बहि गच्छति, न तं कोचि अन्तोयेव पतिट्टितं कातुं सक्कोति धारावसेन उट्ठहनतो, इध पन वालिकातटे विय उदकरहदस्स अन्तोयेव उब्भिज्जित्वा तत्थेव तिठ्ठति, न धारावसेन उट्ठहित्वा बहि
119