Page Text
________________
( २.२.२१६ - २१६)
नीवरणप्पहानकथावण्णना
" यत्थ न कसन्ति न वपन्ती'ति । आदिसद्देन पन " वनपत्थन्ति वनसण्ठानमेतं सेनासनानं अधिवचनं, वनपत्थन्ति भीसनकानमेतं, वनपत्थन्ति सलोमहंसानमेतं वनपत्थन्ति परियन्तानमेतं, वनपत्थन्ति न मनुस्सूपचारानमेतं सेनासनानं अधिवचन "न्ति (विभं० ५३१) इमं विभङ्गपाळिसेसं सङ्गण्हाति । पत्थोति हि पब्बतस्स समानभूमि, यो " सानू'' तिपि वुच्चति, तस्सदिसत्ता पन मनुस्सानमसञ्चरणभूतं वनं, तस्मा पत्थसदिसं वनं बनपत्थोति विसेसनपरनिपातो दट्ठब्बो । सब्बेसं सब्बासु दिसासु अभिमुखो ओकासो अब्भोकासोति आह "अच्छन्न "न्ति, केनचि छदनेन अन्तमसो रुक्खसाखायपि न छादितन्ति अत्थो। दण्डकानं उपरि चीवरं छादेत्वा कता चीवरकुटि । निक्कड्डित्वाति नीहारित्वा । अन्तोपब्भारलेणसदिसो पलालरासियेव अधिप्पेतो, इतरथा तिणपण्णसन्थारसङ्गोपि सियाति वृत्तं " पब्भारलेणसदिसे आलये "ति, पब्भारसदिसे, लेणसदिसे वाति अत्थो । गच्छ गुम्बादीनम्पीति पि- सद्देन पुरिमनयं सम्पिण्डेति ।
पिण्डपातस्स परियेसनं पिण्डपातो उत्तरपदलोपेन, ततो पटिक्कन्तो पिण्डपातपटिक्कन्तोति आह " पिण्डपातपरियेसनतो पटिक्कन्तो 'ति । पल्लङ्घन्ति एत्थ परि सद्दो " समन्ततोति एतस्मिं अत्थे, तस्मा परिसमन्ततो अङ्कनं आसनं पल्लङ्को र कारस्स - कारं द्विभावञ्च कत्वा यथा “पलिबुद्धो "ति, (मि० प० ६.३.६ ) समन्तभावो च वामोरुं, दक्खिणोरुञ्च समं ठपेत्वा उभिन्नं पादानं अञ्ञमञ्ञसम्बन्धनकरणं । तेनाह " समन्ततो ऊरुबद्धासन "न्ति । ऊरूनं बन्धनवसेन निसज्जाव इध पल्लङ्को, न आहरिमेहि वाळेहि कतोति वुत्तं होति । आभुजित्वाति च यथा पल्लङ्कवसेन निसज्जा होति, तथा उभो पादे आभुग्गे समिञ्जिते कत्वा, तं पन उभिन्नं पादानं तथाबन्धताकरणमेवाति आह "बन्धित्वा "ति । उजुं कायन्ति एत्थ काय - सद्दो उपरिमकायविसयो हेट्ठिमकायस्स अनुजुकं ठपनस्स निसज्जावचनेनेव विञ्ञापितत्ताति वृत्तं " उपरिमं सरीरं उद्धुं ठपेत्वा "ति । तं पन उपरिमकायस्स उजुकं ठपनं सरूपतो दस्सेति 'अट्ठारसा "तिआदिना, अट्ठारसन्नं पिट्ठिकण्टकट्टिकानं कोटिया कोटिं पटिपादनमेव तथा उपनन्ति अधिप्पायो ।
"C
Jain Education International
१०७
इदानि तथा ठपनस्स पयोजनं दस्सेन्तो " एवञ्ही " ति आदिमाह । तत्थ एवन्ति तथा ठपने सति, इमिना वा तथाठपनहेतुना । न पणमन्तीति न ओनमन्ति । “अथस्सा "तिआदि पन परम्परपयोजनदस्सनं । अथाति एवं अनोनमने | वेदनाति पिट्ठिगिलानादिवेदना । न परिपततीति न विगच्छति वीथिं न विलङ्घति । ततो एव पुब्बेनापरं विसेसप्पत्तिया कम्मट्टानं वुद्धि फातिं वेपुल्लं उपगच्छति । परिसद्दो चेत्थ अभिसद्दपरियायो अभिमुखत्थोति
107
For Private & Personal Use Only
www.jainelibrary.org
| SR No. | 009986 |
| Book Title | Silakkhandhavagga Abhinava Tika Part 2 |
| Original Sutra Author | N/A |
| Author | Vipassana Research Institute Igatpuri |
| Publisher | Vipassana Research Institute Igatpuri |
| Publication Year | 1998 |
| Total Pages | 456 |
| Language | Sanskrit |
| Classification | Interfaith & Buddhism |
| File Size | 18 MB |