________________
पठममहासङ्गीतिकथावण्णना
अञथा अकथेत्वा यथाभूतमेव कथेस्सतीति दस्सेति । न गन्तब्बा, अननुरूपा वा गतीति अगति, तं । परियत्तोति अधिगतो उग्गहितो।
"एव"न्तिआदिना सन्निट्ठानगणनं दस्सेति । उच्चिनितेनाति उच्चिनित्वा गहितेन | अपिच एवं...पे०... उच्चिनीति निगमनं, "तेनायस्मता"तिआदि पन सन्निट्ठानगणनदस्सनन्तिपि वदन्ति ।
एवं सङ्गायकविचिननप्पकारं दस्सेत्वा अझम्पि सङ्गायनत्थं देसविचिननादिप्पकारं दस्सेन्तो “अथ खो"तिआदिमाह । तत्थ एतदहोसीति एतं परिवितक्कनं अहोसि । नु-सद्देन हि परिवितक्कनं दस्सेति । राजगहन्ति “राजगहसामन्तं गहेत्वा वुत्त"न्ति गण्ठिपदेसु वदन्ति । गावो चरन्ति एत्थाति गोचरो, गुन्नं चरणट्ठानं, सो वियाति गोचरो, भिक्खून चरणट्ठानं, महन्तो सो अस्स, एत्थाति वा महागोचरं । अट्ठारसन्नं महाविहारानम्पि अत्थिताय पहूतसेनासनं।
__थावरकम्मन्ति चिरट्ठायिकम्मं । विसभागपुग्गलो सुभद्दसदिसो । उक्कोटेय्याति निवारेय्य । इति-सद्दो इदमत्थे, इमिना मनसिकारेन हेतुभूतेन एतदहोसीति अत्थो । गरुभावजननत्थं अत्तिदुतियेन कम्मेन सङ्घ सावेसि, न अपलोकनञत्तिकम्ममत्तेनाति अधिप्पायो।
कदा पनायं कताति आह "अयं पना"तिआदि। एवं कतभावो च इमाय गणनाय विज्ञायतीति दस्सेति "भगवा ही"तिआदिना। अथाति अनन्तरत्थे निपातो, परिनिब्बानन्तरमेवाति अत्थो । सत्ताहन्ति हि परिनिब्बानदिवसम्पि सङ्गण्हित्वा वुत्तं । अस्साति भगवतो, “सरीर''न्ति इमिना सम्बन्धो । संवेगवत्थु कित्तेत्वा कित्तेत्वा अनिच्चतापटिसञ्जुत्तानि गीतानि गायित्वा पूजावसेन कीळनतो सुन्दरं कीळनदिवसा साधुकीळनदिवसा नाम, सपरहितसाधनतुन वा साधूति वुत्तानं सप्पुरिसानं संवेगवत्थु कित्तेत्वा कित्तेत्वा कीळनदिवसातिपि युज्जति । इमस्मिञ्च पुरिमसत्ताहे एकदेसेनेव साधुकीळनमकंसु । विसेसतो पन धातुपूजादिवसेसुयेव । तथा हि वुत्तं महापरिनिब्बानसुत्तट्ठकथायं (दी० नि० अट्ठ० २.२३५) -
"इतो पुरिमेसु हि द्वीसु सत्ताहेसु ते भिक्खू सङ्घस्स ठाननिसज्जोकासं करोन्ता खादनीयं भोजनीयं संविदहन्ता साधुकीळिकाय ओकासं न लभिंसु, ततो
57
Jain Education International
For Private & Personal Use Only
www.jainelibrary.org
